اول شي شباب صلو على النبي
ثانيا اسمعو هلقصه
طبعا ما بتوقع بعد سماعها تكون ردودكو كلعاده((مشكور, يسلمو ...........الخ))
القصه هاي شخصيه وبتخصني...........
اخذت دايما هتلر مثال اعلى الي الاسباب مقولتين
1_ اذا حققت النصر فليس مطلوبا منك أن تبرر ذلك
ولكنك ان هزمت فمن الافضل ان لا تكون موجودا لتبرر ذلك
2_المقوله الي موجوده على التوقيع
بصراحه لغاية تاريخ 5_4_2009 كنت اقول انا هدفي اني اصير صاحب نفوذ
لاسباب شريفه اهمها اني اساعد كل الي مر بحاله شبيهه من حالتي
لكن بعد هلتاريخ ((5_4_2009 ))غيرت الاسس المبنيه حياتي عليها تغيير جذري
السبب:
ليلة اليوم هاد كانت الدنيا مش واسعيتني من الفرحه ((بسبب فوز الوحدات في المباراه النهائيه))
بس شوفو الي صار لمى رحت على الشغل
انا بشتغل ((بفندق)) في عمان
طبعا الحمد لله انا صحيح بصلي
بس مش متاكد اذا انها مقبوله المهم...........
رحت على الدوام بشكل طبيعي لبست الزي الرسمي للشغل
ونزلت عل مكان عملي المسمى ((خدمة الغرف))
طبعا احد مهامي بلشغل اني اطلع للغرف اكل ومشروبات ((بجميع اناعها))
يعني احيانا كنت اطلع اشياء انا بقرف منها ((لحم خنزير&مشروبات روحيه))
اشي يقلي حرام واشي يقلي هاي حال الدنيا بدنا نعيش
المشكله مش هون المشكله هي.......
الساعه ثلاثث وربع صباحا((يوم الاحد ))رن تلفون خدمة الغرف
كان نزيل بلفندق طلب عشى ومشروبات روحيه
طبعا جهزنا الطلب تبعو طلعت انا وكمان واحد على غرفتو
طبعا كانت الغرفه مقلوبه راس على عقب المهم.........
نزلنا طلبو على طاولة السفره الموجوده في الغرفه ((من طريقة حكيو شكلو كان خليجي))
كانت قيمة الفتوره تبعو ((110))دنانير ((قيمة الفاتوره هاي بتكفيني مصروف شهر كامل)) المهم........
وقع على الفاتوره بشكل عادي
بعدين طلع محفظتو عشان يعطينا تب ((بلغتنا العاميه بقشيش))
طلع ((5))دنانير رماها على الارض وقال:
هاد الكو خذو طبعا كانت الحركه هاي اهانه كبيره النا
بعد ما رفضنا احنى لثنين واحد فينا ينزل وياخذها حاولنا ننهي الموضوع بطريقه منيحه
حكينالو ((شكرا شكرا ما بنقبل بقشيش))
الكلمه هاي استفزتو بطريقه كبيره ((صار يسب ))
ضليت ساكت لغاية ماقال الي انتا من وين
جاوبتو ((انا فلسطيني ))قال وهو بضحك ((والله ما هو قليل الي بعملو فيكو اليهود))
بعديها فقدت اعصابي وبلشت اسب عليه وطلعت من الغرفه ونزلت على المدير مباشره
وحكيتلو الي صار المهم..............
بعد خمس دقائق رن التلفون كان المدير المناوب وطلبني انا وزميلي لمكتبو
كان النزيل موجود ومقدم شكوى علينا
اول ما فتنى على مكتب المدير لاقينا قرارات فصلنى على المكتب
وقعنى عليها ((حتى انو ما سمع منى شو المشكله))
طبعا انا ما كنت متضايق عشان انطردت من الشغل
كان دمي بغلي على الحديث يلي دار بينا
بعديها روحت واليوم سلمت اغراضي الشخصيه واخذت حسابي
وتركت الشغل نهائيا ...............
القصه يلي صارت معي نسبيا هي بسيطه
((يعني بنفس اليوم بلاقي شغل ثاني وبكل سهوله))
لكن بعد الي صار غيرت مفاهيم حياتي كلها وجذريا
1_كنت متوقع يصير معي زي هتلر
تكون طفولتي صعبه وانا اكون حالي (( قررت اعادة النظر فيها))
2_اتاكدت انو المقوله يلي بتقول ((في ناس عايشه عشان تدمر احلام الاخرين))صحيحه 100%
3_كنت اقول جميع المشاكل يلي رح تواجهني رح تكون ايجابيه علي
لا لا مش صحيح بعتقد انو المشكله هاي مش راح انساها طول حياتي.........ولو بعد حين
4_كنت اقول اذا صرت صاحب نفوذ((مثل هتلر))اهم اهدافي اساعد الناس الاقل حظ ((مثلي حاليا))
الان اهم اهدافي ((اصير صاحب نفوذ عشان اذل واهين كل شخص حاول يذلني او يهيني))
5_كنت اقول عمري ما رح اذوق طعم الهزيمه لاني مش لازم اكون موجود لمى اهزم ((مقولة هتلر))
"اذا حققت النصر فليس مطلوبا منك أن تبرر ذلك
ولكنك ان هزمت فمن الافضل ان لا تكون موجودا لتبرر ذلك"
6_بس كنت ادخل على مواقع المختصه بلانتحار واسبابه واشوف الصور
اقعد اتخيل انو شو السبب يلي بخلي انسان يقتل نفسو بهلطريقه
((الان فهمت السبب))
7_شر البليه ما يضحك ((مقوله خاطئه لانو شر البليه ممكن يخلي الواحد ينتحر ))
8_لسى الدنيا بخير:هههه بعتقد انو الضحكه بتبرر المعنى الي بدي اوصللكو اياه
ومقولات كثير لناس مشاهير لاقيت انها غلط بعد يلي صار معي
خلاصة الموضوع:
1_الي صار معي ما وصلني لدرجه اني افكر بلانتحار ((لانو مش حل))
لكن لاقيت مبرر للناس الي انتحرو واهمهم ((هتلر))
2_قررت اني اصير عكس الناس ((خالف تعرف))
3_ان لم تكن ذئبا اكلتك الذئاب
4_الدنيا غابه اذا ما كنت قوي رح يوكلك الاقوياء
((طبعا مش قوي جسديا))
5_الصبر قفل ومش مفتاح
هيك انتهت قصتي
سامحوني اذا كان في اخطاء املائيه بس انا بكتب الموضوع وانا معصب ومخنوق
سلام ..........نشوفكو باحسن حال ((انشاء الله)) :bkk:
.gif)
