تجربتي مع الثقافة العامة، شو بتسوي اذا ما عرفت الجواب؟

قبل ثلاثة سنوات كنت مجهز حالي علشان اخلص اخر امتحان بالتوجيهي
كانت هاذي المادة هي ازنخ مادة بين كل المواد
طبعا زي كل الطلاب رحت وانا خاتم الكتاب من الجلدة للجلدة
بالمتحان لما وصلتني ورقة الاسئلة ولما شفت السؤال الاول ما الو دخل بالقراته
غمضت عيوني وحاولت انام لاني كنت متاكد اني مش راح انجح ويمكن ما بوصل عشرة علامات
بس قلت بعدين بما اني مسلم هالورقة ليش ما احاول احل؟؟؟ ولازم ما اترك سؤال فاضي
والله وبالشت بحل الى اعرفوا ، وبعد عد العلامات طلعت الحقلي يادوب 10 علامات
بعدين بلشت بالاسئلة الي مش عارفها وصرت اجاوب من عندي اجوبة منطقية واكتب واكتب ما خليت اشي يعتب علي الا فرع واحد فلت مني لانوا الوقت خلص وكان عليه علامتين على ما اعتقد
طلعت من الامتحان وانا متأكيد اني عايد المادة
وقت النتائج بالطلع على علامتي بالثقافة العامة لونها 46 من 50 يعني (92%)
طبعا بهذاك الوقت طلاب كثير شاطرين رسبوا بهاي المادة لانهم تركوا اسئلة كثير بدون اجوبة

نصيحتين مهمات:
1- اذا واجهت سؤال ما عرفت تحله استخدم المنطق ونشالله نسبة الصح تكون 90%
2- لا تترك سؤال فاضي دون جواب (حاول ما راح تخسر اشي)
انشالله تنجحوا جميعا وتجيبوا معدلات عالية