أبكتبك.. وأغار لا اسمك يلامسه الحبــــــر
ولا يمكن اسمح للورق يحضنك وعيوني تشوف
لولا حداني للجفا حظي مع وقتي الغــــــبر
جيت أحرسك وامنع عيونك حول غيري ما تطوف
اظماك حيل ورغم شدة هالظما حبك كبر
حتى غدت صورتك في قلبي على كل الرفوف
أغليك لا مقدر عن إحساسي أوضح لك خبر
صادق شعوري لا حشا ما له شبيه ولا وصوف
قلتي صبر من هو كذب لك قال منك لي صبر
من طحت في حبك ونا مقوى على بعدك وقوف
لك كل عمري ما بقى فيني لغيرك لو شبر
كلي أبيك وما تغيرني مسافات وظــــــــــــروف
ترى كسور الحب صعبه ما لها حتى جبر
لا شك بأنك روحي وما حس منك باي خــــوف
ما ني من اللي حبهم يوم ويولون الدبر
ولاني الذي يقوى يعيش وشمس خله في كسوف
يمكني اوصف شي من صغره إلى حد الكبر
إلا الهوى صعب أوصفه بالحكي ولا وبالحــروف
حبيبتي والوصل لو يبطي زمانه ما سبر
يجيك علم إني أعيش بلا عقل وبدون شـــــــــوف
مما راق لي ... منقول
