انا اول مره بكتب بحياتي
بس انا مضطر اكتب لأنو كتير تعبان ومش ملاقي حد اشكيلو
انا رح احكي قصة زغيرة بأختصار.... وبتمنى تتحملوني
انا حبيت بنت 3 سنين كان في بينا علاقة قبل ما نخطب لمدة سنة حبيت فيها البنت حب مووووووووت وقررت ارتبط فيها.. كنت صادق معاها من أول يوم عرفتها فيه وقطعت علاقتي بكل بنت كنت اعرفها ونسيت الماضي وبعدت عن كل إشي حرام وكرست حياتي كلها إلها صرت انام واقوم واحلم فيها من 3 سنوات ما نمت يوم قبل ما اسمع صوتها وما صحيت من النوم إلا واول شغله اعملها هي اسمع صوتها هي كل حياتي عشان هيك صممت تكون إلي وسافرت عشان اكون نفسي ورجعت وتقدمتلها ووافقوا اهلها الحمد لله.. وخطبنا ... صارت حياتي أحلى صرت احس إنو الأيام إلأي مرت من عمري قبل ما اعرفها كانت فاضيه وراحت على الفاضي... عشت معاها احلى ايام حياتي وبتحدى أي حد في العالم إزا حب متلي... المهم مشت الأيام وسافرت بعد الخطبة وعشت معاها وانا بعيد متل ما إني قريب واكتر ... ما مر يوم إلا وصبحت ومسيت فيها.. كتير بحبها... ورجعت من السفر وقضيت معاها احلى ايام حياتي ... بس ما كنت جاهز عشان هيك سافرت كمان مره ... وصارت معي ضروف كتير صعبه خلتني اغيب 7 اشهر عنها بس الحمد لله على كل شي رجعت .. بس سفري راح على الفاضي وما أمنت متطلبات الزواج .. بدت المشاكل بيني وبينها وبين اهلها ... بدت المشاكل وبدت الأمور تفلت من أيدي ما قدرت ألبي ابسط متطلبات الزواج... وإجت النهاية وقررت البنت تبعد عني وبلغت اهلها في الموضوع واجتمعوا اهلي واهلها وقرروا ينتهي كل إشي ونتطلق وكل واحد يروح في طريقو.. أنا إلي 10 ايام ما حيكت معاها ولا سمعت صوتها حياتي كتير صعبه وكتير تعبان علاجي الوحيد احكي معها واشوفها بس المشكله إنو أهلها منعوني أحكي معها ...
يا شباب ويا صبايا البنت موجوده بيناتكم وإنشالله تقرأ هاد الكلام... بدي تعرفو وتعرف هي بالذات إني رح اموت من التعب ومن الشوق وقلبي كتير بوجعني... نفسي اشكيلها واحكيلها واسمعها وتسمعني ... نفسي الاقي طريقة تكون معي واكون معها.. نفسي ما نلتقي يوم الأحد الجاي عشان نتطلق انا بحبك والله العظيم بحبها وحيات جلالة الله اني بحبها ومش قادر اخليها تغيب عن بالي او تفكيري مش قادر انام ولا اكل ولا اعيش ... مش قادر امشي بحياتي واروح على شغلي واخلي حياتي تمشي .... دلوني على حل دلوني على طريقة اكون معها فيها والله العظيم لكل إلي بقرأ هاد الموضوع انا إنسان عم بموت كل دقيقة إنتي يلي بخصك هاد الكلام حسي فيه شوي وخليني احكي معك انا تعبان يا حبيبتي انا دموعي بتنزل دم ومش قادر اعيش بدونك إذا الحب إلي بينا بيعنيلك إشي خليني احكي معك خليني ارتاح شوي خليني اسمع صوتك واحكي معك وابكي معك وافرغ إشي من الي جواي ايمان حسي فيه انا بحبك وما في حد في الكون كلو بحبك متلي ايمان انا ما رح ابعد عنك ما بقدر ...
انا ما بدي اعمل مشاكل إلك وإلي عشان اشوفك واحكي معك حسي فيه حرام عليكي انا حبيبك انا إلي حلمتي معاه في المستقبل أنا إلي حلفتلك إنو غير الموت ما رح يفرقني عنك وانا إن شاء الله عند يميني ... ايمان انا لو بأيدي اسرق أو اقتل أو ابيع روحي عشان اكون معك ما رح اقصر ... ايمان ساعديني بالله عليكي انا مش قادر والله يا شباب ويا صبايا انا تعبان والكلام إلي بكتبو لو كان على ورق كان ما حد قرأو لأنو دموعي بتسبق اصابعي قبل ما اكتب كل حرف...
إحكولي شو اعمل إحكولها شو تعمل هاي الشغله ممكن تصير مع أي حد فيكم... وكل واحد في بقلبو حب وبيحب يرد على الموضوع خليها تقرأ وتشوف وتعرف شو هو الحب وتتزكرو إذا ناسيتو... إن شالله اعيش عشان اشوف الرد وإزا ما رديت عليكم بكون إرتحت وريحت ....
اخوكم فادي :sadwalk::bkk:
