هاذا الموضوع عن شخصيات موجودة بأي عائلة عربية :hug:
وكل عضو يكتب شو تصنيفه بينهم :happy112:
واي شخصية بحب
واناحطيت لكل شخصية اسم من عندي عشان الموضوع يصير احلى
نبدأ
:::::::::::::::::::::::::::::::::::::::::::::
١- الشخص الخفيف الدم اللي بيسلي القعدة ( زياد ) :rofl:
و عادة بيكون لسانه زفر شوي و مسموحله يحكي شو ما بده :angry039:
طول ما هوة عم بيضحك بالبشر
و هوة اللي خالد لما يخطب لميا بيحكيلها عنه
لو تشوفي ابن عمي زياد نهفة بموتك ضحك
و بيجي زياد عالقعدة نافخ ريشه لانه عارف شو بينحكى وراه
و شو ما حكي زياد الكل بيضحك
حتى لو حكى صباح الخير :rofl:
------------------------------------
٢- الشاب العسكري ( فادي ) :30:
بالعادة بيكون الشب الشخصية و واسطة العيلة :nAshOomA (26):
و بيكون لما يقعد بقعدة الكل بسألوه كيف الدوام وكيف الشغل
عشان آخر اشي يحكوله بدنا تشغل عصام اخو خالد عندكو ( بيفكرو الامن ملكه الشخصي )
و نص العيلة بدهم رضاه ولما يروحو عليه كل تلفناتهم بتصير ترن اغاني وطنية
وكل ما يشوفو شرطي ببلشوله ( النا ابن عمنا زميلك ) بقرفوه عيشته عشان يوروه انه الهم ابن عم بالامن العام :
-----------------------------------
٣- نمامة العيلة ( نجية ) :163:
و هاي عادة بتكون زوجة احد الاعمام او اولاد العمام
ما بعرف ليش ما تسالوني
هاي اللي عندها الاخبار دايما
و اخبارها لازم تشيل نصها و تصدق نص اللي شلته
عشان توصل للحقيقة بتبهر و بتفلفل على خاطرها
و بتضيف من عندها بيحبوها النسوان و بيكرهوها و بنفس الوقت بخافوا منها
بتحس هيه باهميتها لما حدا يسألها شو الاخبار
و بتفرد حالها و بتبلش تذيع و بالاخر بتقولك بالله ما تجيبي سيرة اني قلت لك انا شو خصني
بتعرفيني بمشي الحيط الحيط و بقول يا رب الستر .
----------------------------------
٤- غنية العيلة ( نونو ) :bnt011:
كل عيلة فيها واحد بيكون اغنى من الكل
و بكل عيلة بتكون مرته مركز نظر النساوين شو لبست ووين راحت و شو عملت
و بتكون نمامة العيلة زي الذنب الها عشان تجيبلهم الخبر اليقين
بتحكي من طرف مناخيرها
و بتقعد عطرف الكرسي كانها قرفانة ( يرحم جدها مات من ريحة رجليه ) :rofl:
و اذا بتضيفها اشي او بترفضة او بتاخده بس ما بتاكله ع اساس انها شبعانة ببيتها
كلامها و احاديثها لا تتعدى شو عملت الفلبينية
و كيف تخانقت مع السيرلنكية
و اديش الشوفير منشف دمها
يعني كمان شوي بتحزن عليها
---------------------------------
٥- مشكلجي العيلة ( خليل اللغم ) :20 (14):
و مشكلجي العيلة هوة الشخص اللي بيجيب العار للعيلة بعمايله السودا
بيستعروا منه بس برضه بخافوا منه لانه بايعها و مش فارقة معه
بيكون عادة صحبة مع زياد اللي بيشوف فيه مصدر هام للتنكيت
ومع فادي عشان الكفالة بالمخافر وعشان ما يوقع معه .
--------------------------------
٦- كبير العيلة :h3: ( الحج ابو مجحم )
و هذا اللي بدك تسد بوزك و تسمعه و هوة بيعيد القصة مرة ورا مرة :hat:
بحكيلك قصص ايام الحصيدة و الثلجة الكبيرة
و لما كان بالجيش
نص قصصة كذب بكذب
مش بقولو ما اكذب من شاب تغرب الا ختيار ماتت اجياله؟
كان رح يشتري نص عبدو ن
والشميساني إنعرض علية بالف ليرة
لما كان كيلو اللحمة بعشرين قرش
-----------------------------
متغرب العيلة ( جاك ) :new_russian:
كل عيلة فيها على الاقل واحد بالخليج
بيجي بالصيف و الكل بيكون يستنى الهدايا
لما يوصل بيلاقي الكل متجمع و الكل بيسلم علية :010:
و بتكون امه عامليتله ورق و كوسى
و شباب العيلة بينلموا و اشتقنالك يا ابو الجووج
و شوفلنا شغل معاك و الله اخوك مش لاقي يحلق
كانه المسكين صاحب شركة هناك :30:
طبعا العرط بيشتغل من طرفه
و بحكيلك عن سيارته البورش و بيته و بيكون عايش مع تلاته بغرفة :783:
بعد يومين بتلاقيه قاعد عالبلكونة بالفانلة
لحاله بيشرب شاي
ولا حدا سائل فيه
و امه بالمطبخ بتعمل مجدرة
-------------------------------
عزابي العيلة ( لؤي ):20 (20):
او الدون جوان النسوانجي
بيكون حليوة (نسبيا طبعا )
و بس يزور حدا من القرايب عندهم بنات بينضبوا
و بيصيروا يبصبصوا علية من بعيد و بتشتغل المسجات
هدا بيكون عنده شوية غرور على شوية عجرفة
بقعد و بيحط اجر على اجر و عادة بيصير عمرة فوق الاربعين و ما بتجوز
و بضل يشتري سيارات بي ام على امل انها تصيد
بكل قعدة بحكي عن غرامياته و بيتجمعوا حاوليه شباب العيلة
و بيصير يورجيهم صور و مسجات
برضة بيكون صحبة مع زياد و مصرف العيلة و بيسهروا سوى وبكون يكره فادي ع اساس انه مش سائل ..
-----------------------------------
شقفة العيلة احلى بنت بالعيلة ( سوسو ) :bnt008:
بتكون محط انظار اولاد العم و الخال بس هيه نظرها بعيد شوي
بتمشي يا ارض اشتدي ما عليكي قدي
و بتقعد مع نساوين العيلة عشان يصيروا يمدحوا جمالها
برضة متل دون جوان العيلة ما بعجبها العجب و بتطول لتتجوز
اذا تجوزت اصلا
ما بتكون صحبة مع بنات العيلة و بتلاقيها دايما في الاعراس بتتلقط عريس من بعيد
من مبدأ نفسي فيه و تفو عليه
---------------------------------
دكتور العيلة ( علي ) :1068:
و هذا المسكين اللي ما بتهنى بقعدة
بس يوصل لمحل بنلموا علية و يا ميمتى خواصري بيجعنني
و شوف يابا مبارح و انا لما ( و بيصير يوشوش
و اللي بتنادي ابنها تعال ورجي الدكتور حلقك
هاتي معلقة يا غدير خلية يشوف زلاعيم اخوكي
و اللي بيعرض علية روشتات دكاترة تانية
و اللي بيجيبله صور اشعة
و االلي بقولوا شوفلي ظغطي
طبعا كل القاعدين بفحصوا ضغطهم بعده
و كل حياته بتكون هيك بغض النظر ان كانت زيارة او عرس او حفلة
طبعا هوة ما بيقصر
و ممكن يصير يقولك مين الحمار الي اعطاك هذا الدوا ارميه و بكتبلك غيره
----------------------------------
كمبيوترجي العيلة ( رأفت مسنجر ) :main:
هذا طبعا بعد طفرة الكمبيوتر صار له اهمية كبيرة
بالاول كان الفاشل التافه اللي ما بيعرف اشي
وضعه متل دكتور العيلة
و بتقول امه بكل خيلاء
بس يجي علاء بيزبطلك الكومبيوتر
و الله ما في اشطر منه
مبارح خلانا نشوف عمرو دياب
و بيجي علاء المسكين
شوف كمبيوتر ابن خالتك ريم اللعبة ما بتشتغل
و بيجي حمودة ابن ريم و بيقعد يتفرج على علاء
مثله الاعلى بالحياة و هوة بيشغّل الكومبيوتر
و ينبهر حموده
و بيفهمه علاء انه عشان تقدر تلعب اللعبة لازم بالاول تشغّل الكومبيوتر
---------------------------------
طفل العيلة الموهوب ( حمزة ) :11istling::dans:
هذا اللي بكل لمة بنادوه يغني
تعال عبود غني لعمو اغنية اليسا لو تشوفو كيف بغنيها
و طبعا في نوعين من عبود في عبود اللي بستحيش
و بتلاقي قرفك و هوة بيعيد بالاغنية
و امه فرحانه فية و كل شوي بتقول ما شاء الله
كأنه ما حدا خلّف غيرها
او النوع اللي بتطلع روحك و امه بتقنعه يغني
و ياللا ورجي العمو اديش انت شاطر
و بتصير انت بدك تخلص
بتقوله غني حبيبي بعطيك شوكولاطة
و بيكون بجيبتك شوكولاطة مفعصة من عرس قديم
بتورجيه اياها كنوع من الاغراء
و في حالة كان دكتور العيله او شرطي العيلة قاعدين بيجي التهديد المباشر
اذا ما بتغني الدكتور بضربك ابرة
او الشرطي بيسجنك
بتلاقيه صار يغني و نص اصابيعه بتمه
و بتصير امه تعطي اعذار و بتعصب عليه
عاد بالبيت طول نهارك تغني روح تخيب من وجهي.
----------------------------------
و بــــــــــــــــــــــــــــــــــس
الرجاء من الاعضاء انو يكتبو اي شخصية من هاي الشخصيات بتمثلهم ....
انا الشخصية رقم (٢
( فادي ) :30: و ننتظر الردود الحلوة و شكراً ... :hat::hat::hat:
.gif)
.gif)
