اكاذيب الشباب عالبنات

هي يا بنات بعض أكاذيب الشباب على البنات
1 بتعرفي ياحبيبتي انا ما ألي في حركات الشباب ولا بعرف بنات انتي اول بنت بعرفها لاني مابحب هالحركات

( يارجل ما أنت بنات البلد كلهن بتعرفهن )

2 ما بعرف ليش يا حبيبتي حاسس اني بعرفك من زمان

( اي ممكن تكون مستشبه بوحدة تانية عرفتها زمان )

3 حبيبتي بحس ان انتي غير كل البنات بحس انتي مش متلهن أبدا

( ليش يعني ممكن تكون فوق راسها ريشة او ممكن تكون من عالم تاني مثلا)

4 حبيبتي بحس ان انا وانتي متشابهين في أشياء كتيرة كاننا واحد مو اتنين

( اي ما أنت اخوها في الاسلام لازم تكونوا متشابهين )

5 ياريتني ياقلبي عرفتك من زمان

( معلش كان زحمة بنات بس مو أكتر )

6 حبيبتي انتي تامريني و كل الي تقولية لح نفذه

( اة لح ينفذه بس في الاحلام )

7 حبيبتي نفسي احطك بين رموشي ما حدا يشوفك غيري بغار عليكي

( ياحرام قال الغيرة قطعت قلبه كتير )

8 انا احب الشعر والسباحة والرسم والغناء

( ياعيني حبيب ورومانسي كتير )

9 حبيبتي ديري بالك ماحدا يعرف بعلاقتي فيكي لانك اجمل سر في حياتي

( عندي مية صديق بقلهن هدول مو اي حدا )

10 لما شوف رقم تليفونك بتدقيلي قلبي بيدق دقات غريبة

( اكيد كان مفكر ان انتي كشفتي ألاعيبه )

11 رفيقي قلي هات رقمك بس انا مارضيت وقلتة هي حبيبتي اقتلني قبل ما تاخد رقمها

( اة نسيت ان انا اخد رقمك من صاحبي هاد)

12 حبيبتي عايز صورتك نفسي اشوفها قبل مانام وقولها تصبحي علي خير ولما اصحي من نومي اقولها صباح الخير

( ومشان كمان يوم ما تتركها ما تعملك قصة وجرسة معك صورتها بقة )

13 تعرفي ياحبيبتي دايما البنات في النادي بيطلبو رقمي بس انا ما بعطيه لاي حدا

( ماهنن البنات مو اي حد كمان )

14 تعرفي ياحبيبتي مبارح مانمت وأنا عم فكر فيكي طول اليل اخدتي عقلي وقلبي

( يارجل أي انj نمت نوم مبارح غير كل الأيام )

15 ياحبيبتي مابقعد على النت الا لما انتي تكوني موجودة لأن النت من غيرك ماله قيمه

يقصد مابيحاكيهاا الا بعد ما تدخل بربع ساعة لأنه مشغول على المسنجر مع غيرها

بالله هالكلام بيرضي حدا