وتهدف الزيارة، بحسب المجالي، إلى الترويج للأردن سياحيا وللمواقع الأثرية الموجودة فيه، مبينا أن الزيارة تشتمل على كلمة يلقيها أبطال المسلسل عن الشباب، وكيفية الوقاية من حوادث السير.
وبهيك بنضمن أنه يكون في عنا مسلسل أردني ناجح ومشهور لكن بنكهة تركية وبجمال مهند اللي مجنن البنات بالأردن وكمان بالعالم العربي, وكمان بنضمن أنه شهرة المسلسل توّصل لجمهورية بوركينا فاسو.
من ناحية أخرى, لفت نظري بالخبر أنه هدف زيارة مهند ونور للأردن إلقاء كلمة عن الشباب وكيفية الوقاية من حوادث السير, نفسي أعرف شو دخل مهند أو نور بحوادث السير!؟ يعني مهند رح يشتغل في شرطة المرور لتنظيم السير في دوّار الداخلية ونور تستلم منطقة الدوّار السابع والصويفية عشان تعلم الشعب الأردني كيف يسوق (مع إنه معروف عنا أنه بنعرف نسوق منيح).
بحسب ما قرأت بمجلات وجرايد, أنه مهند مش طبيعي زينا, بالعربي , .........وبالأردني مش “تبع بنات”, وهاد خبر يمكن يزعل كتير بنات, وأنا بنصح مهند أنه ما يسبح في البحر الميت بلاش قوّم لوط يسحبوه لتحت ويخلّوه يمثل المسلسل مع عوض أبو شفة بدال نور (بعد إذن الرسام عمر العبد اللات).
.jpg "صورة H-E-R-O الشخصية")
