القصة ومافيها أنه مبارح كنت في السوبر ماركت الي جنب بيتي بشتري أغراض كعادتي كل يوم, فجأة وأنا في قسم الخضار بتمشى لاقيت بنت أيرانية عمرها شي 17 أو 18 سنة, من هاد النوع الي بيحكوا عنو بحل على حبل المشنقة, المهم لاقيت حالي صرت بدي أشتري أي شي من قسم الخضار لحتى أحكي معاها, ما لاقيت حالي إلا واقف جنب ستاند الجزر وبأيدي كيس عم بعبي جزر, مش عارف ليش باللحظة هاي حسيت حالي أرنب
بلا طولة سيرة, محسوبكم كان بعبي جزر بينما كان هنالك تبادل نظرات بقوة 8 درجات على مقياس ريختر, النظرات كانت ممكن تكون بقوة 11 درجة لولا وجود أبوها وأمها وأخوها الزغير معاها, يالله الريحة ولا العدم, بعديها قربت عليها ع أساس بدي أوزن الجزرات, إطّلعت عليها وضحكت ضحكة عربية أصيلة من تبع عمر الشريف, ودار بينا الحديث التالي:انا: Hi
هي (بأبتسامة خومينية): hello
انا:What’s you name
هي (كأنها مش فاهمة علي): sorry??
انا: name, esmek
هي: Aysha
وقتها أجى أبوها أعطاها أغراض للتوزين ورّد راح, عشان يعطينا مجال نكمل حكي
انا: Can I have your mobile number??
هي (بدا عليها علامات الأستغراب وكأني بحكي لغة فضائية): sorry مع كم كلمة أيرانية
انا (وقتيها طلعت موبايلي عشان أفهمها شو بدي): You mobile number
هي (كانت مبسوطة مش عارف ليش وبدت تعطيني رقم
