راتبي 300 دينار
كتبها : نيكولاس خوري
راتبي 300 دينار , لما تشيل منهم الضمان الاجتماعي و ضريبة الدخل ( على اساس انو ال 300 دينار تعتبر دخل ) و التامين الصحي ( الي بطلت امرض من اول ما اشتركت فيو ) …بصفي 273.63 دينار ” الحمد لله “, المواصلات عشان اروح و اجي مع غلاء البنزين و ضريبة البنزين بتكلفني 60 دينار شهريا , يعني بضل من الراتب 213.63 دينار ” الحمد لله ” , كل يوم بدي بكيت دخان يعني 45 دينار شهري ( لانو الدخان غلي عشان يدعمو الغاز ) يعني بيصفي من الراتب 168.63 دينار ” الحمد لله ” .
خلينا نعتبر انو طول اليوم بدي اكل و اشرب ب 2.5 دينار بس ( مش ضروري اعيش بطر اكل فلافل او اعيش حلم اكل شاورما ممكن اكل هوا , او اكل …. ) يعني انت عم تحكي عن 75 دينار اكل و شرب , يعني بضل من الراتب 93.63 دينار ” الحمد لله ” .
طبعا لازم تعطي امك 50 دينار كل شهر ( لانو بس تعطي امك خمسين دينار بتغمرها فرحة غريبة , اما ازا ما اعطيتها , غضب الله رح ينزل عليك هدا غير فضيحتك في الحارة , الحلو في الموضوع انو اكبر طموحها هو خمسين دينار !!! ) , يعني بيضل من راتبك 43.63 دينار ” الحمدلله “
هدا لسا ما طلعت طشيت مع صحابك ولا دفعت انترنت ولا شريت بطاقة تعبي تلفونك و لا طلعت عزمت صحبيتك على الغدا , واهم شي انك لسا ما سديت ديونك تعون الشهر الماضي , فبتروح تتداين من حدا تاني عشان تسد الخوازيق الي عليك … مختصر الحديث بيضل معك 63 قرش ” الحمدلله “
بتعطيهم لابن اختك الصغير يشتري فيهم اشياء زاكية من الدكان !!!! …… ” الحمد لله ” .
طب و بعدين ؟؟؟ كل العالم لما يحضرو افلام مصاصين الدم بخافو , احنا منضحك لانو عايشين عصر مص الدم , مديرك في الشغل بمص دمك اهلك بمصو دمك حبيبتك بتمص دمك اهل حبيبتك بمصو دمك الضرايب بتمص دمك الناموس بيمص دمك شوفير التاكسي بيمص دمك !!!! ما ضل عنا دم …
والله راتب الشغل بروح عشان تروح على الشغل و تدفع ضرايب , يعني ازا اشتغلت او لأ نفس النتيجة , اللّهم بس بيبطل معاك مصاري تشتري دخان , احكيلك ملعون ابو الدخان بديش ادخن !!! بدخن من صحابي او بدخن سباريس من الارض … كل يوم المصاريف و الضرايب بتزيد و الراتب السّحري تاعك زي ما هو !!!!
و بحكولك ليش الشعب مكشر !!! اي بكون طالع الصبح على الشغل نص نايم ونص صاحي زي ” الزومبي ” و بحسب الف حساب لكاسة النيسكافيه الي بدي اشتريها خايف انكسر … ” الحمد لله “…!
طبعا الي بزيد الطين بلّة انو شعبك العربي شغل مظاهر و بس , بتهمو يكون راكب سيارة فخمة و موبايل “touch screen” , نص حكيو بكون انجليزي و يا ريت بحكي انجليزي صح , ببكي لما تخسر ايطاليا في كأس العالم , على اساس انو امو ايطالية و ابو مواليد النمسا و هي جيتو من روما !!! ولك روح اشتغل و احرت عشان تسد ديون السيارة و الموبايل … ااا ليش مستغربين ؟؟؟ شعبنا هيك بلبس حالو دين 50 الف دينار عشان يركب مرسيدس يحط عليها علم ايطاليا , و موبايل ” black berry” عشان يعبر عن حزنو على خسارة ايطاليا على ” twitter and face book ” … يا سيدي ما بدي اطول عليكم نشالله ييجي يوم بعد عشر سنين و راتبي السحري 300 دينار يشتريلي علبة بيبسي صغيرة …. ” الحمد لله ” ..
كتبها : نيكولاس خوري
راتبي 300 دينار , لما تشيل منهم الضمان الاجتماعي و ضريبة الدخل ( على اساس انو ال 300 دينار تعتبر دخل ) و التامين الصحي ( الي بطلت امرض من اول ما اشتركت فيو ) …بصفي 273.63 دينار ” الحمد لله “, المواصلات عشان اروح و اجي مع غلاء البنزين و ضريبة البنزين بتكلفني 60 دينار شهريا , يعني بضل من الراتب 213.63 دينار ” الحمد لله ” , كل يوم بدي بكيت دخان يعني 45 دينار شهري ( لانو الدخان غلي عشان يدعمو الغاز ) يعني بيصفي من الراتب 168.63 دينار ” الحمد لله ” .
خلينا نعتبر انو طول اليوم بدي اكل و اشرب ب 2.5 دينار بس ( مش ضروري اعيش بطر اكل فلافل او اعيش حلم اكل شاورما ممكن اكل هوا , او اكل …. ) يعني انت عم تحكي عن 75 دينار اكل و شرب , يعني بضل من الراتب 93.63 دينار ” الحمد لله ” .
طبعا لازم تعطي امك 50 دينار كل شهر ( لانو بس تعطي امك خمسين دينار بتغمرها فرحة غريبة , اما ازا ما اعطيتها , غضب الله رح ينزل عليك هدا غير فضيحتك في الحارة , الحلو في الموضوع انو اكبر طموحها هو خمسين دينار !!! ) , يعني بيضل من راتبك 43.63 دينار ” الحمدلله “
هدا لسا ما طلعت طشيت مع صحابك ولا دفعت انترنت ولا شريت بطاقة تعبي تلفونك و لا طلعت عزمت صحبيتك على الغدا , واهم شي انك لسا ما سديت ديونك تعون الشهر الماضي , فبتروح تتداين من حدا تاني عشان تسد الخوازيق الي عليك … مختصر الحديث بيضل معك 63 قرش ” الحمدلله “
بتعطيهم لابن اختك الصغير يشتري فيهم اشياء زاكية من الدكان !!!! …… ” الحمد لله ” .
طب و بعدين ؟؟؟ كل العالم لما يحضرو افلام مصاصين الدم بخافو , احنا منضحك لانو عايشين عصر مص الدم , مديرك في الشغل بمص دمك اهلك بمصو دمك حبيبتك بتمص دمك اهل حبيبتك بمصو دمك الضرايب بتمص دمك الناموس بيمص دمك شوفير التاكسي بيمص دمك !!!! ما ضل عنا دم …
والله راتب الشغل بروح عشان تروح على الشغل و تدفع ضرايب , يعني ازا اشتغلت او لأ نفس النتيجة , اللّهم بس بيبطل معاك مصاري تشتري دخان , احكيلك ملعون ابو الدخان بديش ادخن !!! بدخن من صحابي او بدخن سباريس من الارض … كل يوم المصاريف و الضرايب بتزيد و الراتب السّحري تاعك زي ما هو !!!!
و بحكولك ليش الشعب مكشر !!! اي بكون طالع الصبح على الشغل نص نايم ونص صاحي زي ” الزومبي ” و بحسب الف حساب لكاسة النيسكافيه الي بدي اشتريها خايف انكسر … ” الحمد لله “…!
طبعا الي بزيد الطين بلّة انو شعبك العربي شغل مظاهر و بس , بتهمو يكون راكب سيارة فخمة و موبايل “touch screen” , نص حكيو بكون انجليزي و يا ريت بحكي انجليزي صح , ببكي لما تخسر ايطاليا في كأس العالم , على اساس انو امو ايطالية و ابو مواليد النمسا و هي جيتو من روما !!! ولك روح اشتغل و احرت عشان تسد ديون السيارة و الموبايل … ااا ليش مستغربين ؟؟؟ شعبنا هيك بلبس حالو دين 50 الف دينار عشان يركب مرسيدس يحط عليها علم ايطاليا , و موبايل ” black berry” عشان يعبر عن حزنو على خسارة ايطاليا على ” twitter and face book ” … يا سيدي ما بدي اطول عليكم نشالله ييجي يوم بعد عشر سنين و راتبي السحري 300 دينار يشتريلي علبة بيبسي صغيرة …. ” الحمد لله ” ..
