هاظ يا جماعـة بزمناتي .. أيام العز .. الله لا يعيدها من ايام :hh3:
كنــت مختار حارتنا .. زي ابو شسمو ابو صياح
حاصلوا وبلا طولة سيرة
كان في عندنا بالحارة نهــر ... وبيوم من الايام صابه طاعون ..
طاعون الجنون
وصار كل واحد يشرب من هالنهر ينجن .. ويصيبه طاعون الجنون .,
وصاروا يجتمعوا هالمجانين ويحكوا بلغة .. ما بفهمها "العقلاء" :idontknow:
والناس بلشوا يشربوا اكثر واكثر .. وعدد المجانين بهالحارة صار يكثر :int7er:
وبيوم صحيت من نومي ولا ام صدام لقيتها انجنت :aass: >>
ناديت رائد الصوص"وظيفته زي فتحي اللي بباب الحارة"
ولك رائد ام صدام انجنت .. وين كاين العقيد والحراس عنها .. هاتلي الدكتور ..
قللي العقيد انجن والدكتور وكل
اللي بالقرية انجنوا وما في غيري وغيرك مش مجانين بهالحارة :bkk:
يا حبيبي .. انا مختار على حارة مجانين ..
شو يا حبيبي .. ولك الحارة بتحكي عننا انه احنا المجانين .. لأنه احنا ما بنشبههم
ولأننا ما شربنا من النهر ..
وهسا هم صاروا اللي بيحددوا مين المجنون .. ومين العاقل ..
وقتها .. قلت لرائد .. هاتلك كاسة مي من نهر الجنون ..
لأنه الجنون بذاته انك تضل عاقل .. بدنيا مجانين !
::خلصــت القصـة::
بالتأكيد الخيار صعب ..
عندما تنفرد بقناعة تختلف عن كل قناعات الآخرين ..
عندما يكون سقف طموحك مرتفع جداً عن الواقع المحيط ..
هل ستسلم للآخرين.. تخضع للواقع ... وتشرب الكأس ؟*
هل قال لك أحدهم : معقولة فلان وفلان وفلان كلهم على خطأ وأنت وحدك الصح !..
إذا وجه إليك هذا الكلام فاعلم أنه عرض عليك لتشرب من الكأس
عندما تدخل مجال العمل بكل طموح وطاقة وإنجاز ..
وتجد زميلك الذي يأتي متأخرا وانجازه متواضع يتقدم ويترقى وأنت في محلك ..
هل يتوقف طموحك .. وتقلل انجازك ... وتشرب الكأس؟
غاليلوا الذي أثبت أن الأرض كروية لم يصدقه أحد ..
وسجن حتى مات !
وبعد 350 سنة من موته اكتشف العالم أن الأرض كروية بالفعل ..
وأن غاليليو كان العاقل الوحيد في هذا العالم في ذلك الوقت
بتمنى وجهـة نظري تكون وصلت .. وآســف لو أطلت عليكم الحديث ..
اتمنى الفائدة والمتعـة للجميع
.gif)
.gif)
