تحولات

مرحبا جميعا
كيفكم
انا عنجد اشتقتلكم

بالاول بعتذر عن تقصيري بالمنتدى ..بس حاليا انا بفتره تحديد مستقبل ومصير

وغير هيك انا (علمي) :bkk:

هوي حلو العلمي مابحكيلكم لا ..بس مشكلتو بدو دراسه وتركيز ..بيبط الواحد يجمع :ohgod:

بس كمان كل يوم برجع وبتذكر هدفي الاساسي وبركز عليه .. لأحقق حلمي وادرس طب واصير دكتورة:7zol:

ولحتى اضلني مركزه عليه صرت ادور على اشيا حلوي وجديده فيو ..

يعني اليوم خطر عبالي انو لو صرت دكتوره بقدر اطلع بحملات طبيه واساعد الناس يلي بالحروب او يلي بأفريقيا ..

بصراحه شفت صورة مؤثرة ..واعطتني دافع قوي

حبيت انكم تشوفوها:bkk:



متل ما انتو شايفين ..النسر بيستنى الطفل لحتى يموت منشان ياكلو ..

المصور يلي صورها فاز بجائزة افضل مصور وافضل صورة ...

بس الطفل ماحدا بيعرف شو صرلو
لانو المصور صور الصورة ودغري راح

بعد 3 شهور المصور انتحر:int7er: لانو ماقدر يتخطى المنظر ..نحنا شفناه بالصورة وتأثرنا ..كيف هوي شافو عالطبيعه وماقدر يتدخل ..

الخلاصه من الموضوع ..:nosweat:

انو لحتى تركز على الشي يلي بدكياه لازم تلاقي فيو اهتمامات جديده ومتنوعه ..
غير هيك بالنسبه للصورة فلازم نشكر ربنا على النعمه يلي احنا فيها ..لما مرات بيكون الاكل مش زاكي ومابيعجبنا وبنعصب ..بننسى انو غيرنا ما عندهم هاد الاكل وبيتمنوه وبيموتو بسبب الجوع..

كانت معكم من قلب الحدث ..سرى :face (23):