واحس احيان بحروق الحروف وحر جمراتي
انا لو جيت لك مجنون قولي فلسفة عقال
واجبري كسر تنويني معاك ابرفع ضماتي
ابغير مفاهيم النحو والصرف والاهمال
وقانون البلاغة والعروض ابكل كلماتي
اباخلق نون للنسوة،وبافتح باب للإحلال
وابدّل جمعكم مفرد وبارفع كل كسراتي
ابانصب مبتداك بكاف وامسح منه حرف الدال
واحط اللام في وسطه يبين سر مآساتي
ابالعن خامس الفاعل، وأغيّر صيغة الأفعال
واحطه في خبر كان، واجدد شكل صفحاتي
ابالغي سيبويه ابحرف، واضع بالنقاط اجيال
وباشطب طرح ابو الأسود مع خالص تحياتي
ابيك انتي اجابة من، وعطف الواو،واسم الحال
وابيك الفعل والفاعل، وكل اهداف نظراتي
ابيك انتي قواعد صرف، وحزم الجد واستهبال
وابيك اعقول تفكيري، وصوت الكذب بسكاتي
اباعقد مؤتمر قمة،وبافرض حظر للتجوال
وبامنع رجة الصعلوك من الغاء اجتماعاتي
ابادعي قلبي وعقلي، وكل احساس صال وجال
و باجمع كل احزابي، نقرر ماهو آتي:-
بما ان الظروف الآن، لاتسمح بأية حال
بأي اجراء روتيني، على سائر دويلاتي
عليه الآن، فليعلن طوارئ والحمول اثقال
ومنك انتي، ايصير اول ظهوري
أبي كف، وهدب عين، ونقاوة قلب واستبسال
وابيك القائد الأعلى، لكل جيوش قواتي
أبي وقفة من عيونك تكفّى عن مية رجال
أبي فزعة، وأبي نزعة واغير كل نزعاتي
وانا اخترتك لأن اسمك، يسري بي شجون طال
يشجعني على العليا، واحقق كل طموحاتي
لأنك رحمة الكافل، بعين ايتام وام عيال
ولأنك سطوة القاسي، بعين ادموع وجناتي
ولأني كل ماشفتك، عطيت الحمل والحمّال
اهابك هيبة العالم، لحزني وانفعالاتي
اناظر عينك اليمنى، واشوف الليل والموال
واناظر عينك اليسرى، واشوف ابشع نهاياتي
واضيع هناك مابين الرموش وبين حبة خال
واحب الموت لعيونك، وكنه اجمل محطاتي
انا جيتك ولع عاشق، يدور فيك راحت بال
ولا فكرت لو لحظة، باجرحك لو بأبياتي
انا الدمعه وهي دمعه، اذا طاحت وهي اذلال
امد لها هدب عيني، والحّفها عباياتي
واخلي رمش يحظنها، ورمش الها يصير اظلال
حرام اتموت في عيني، وهي رمز لمعاناتي
وبعد هذا تجين انتي، تسوقين الجروح اشكال
وانا اللي كنت احسب انك، حلاوة الروح في ذاتي
أما تخشين ان يهلك، بفعلك شاعر قد آل
بجرحك للهلاك امسى، طريح الالتفاتاتي
الا ويح القلوب اللي، تهد ابصد صم اجبال
والا ويحي اذا بارضى، هواني أو مذلاتي M:im
.gif)
