إسئلي التاريخ

قصيده إسئلي التاريخ هي مجارى للقصيده اللتي طرحت من قبل صوت الصمت أتمنى أن تنال إعجابكم

يا قافٍ سمعته شاشت به افكار
لا هان القصيد وأجزتي يــــــــا بدويه
الدله الـلي تغلي عـــلـــى النار
فـــــي بيتٍ كــــل ابوهم أجـــــوديه
بنها الطيب وهيلها الفخر وبهار
صبابها حسن الخلق صــــافي النيه
فنجال يـــزهو على الشفاه دوار
فــــي يـــد عزوم الرجال القــــــويه
إيه ابدويه وارفعي الصوت بجهار
خل اللي مـــا سمع يسمع دويـــــه
حنا البدوا على المعادين ثــــوار
لا ثارت الفزعات وصــــــــاحت الهيه
يبطي النذل الــلـي بالقفى ثـرثار
يبطي ولا يــحــوش إلا الأذيـــــــــه
حنا البدوا لا صاحوا هل الــدار
خيلٍ تــــــراقص فالوغى والنار حيه
حـنـا الغضب فـي دمنا لا ثـــار
سيف مسلط على النفوس الــدنيه
كبارنا فيهم بالمعاميع مــغــوار
وصغارنا تحبي على ســــوق المنيه
مــا حنا بــــــــس بالقول شعار
نـاطـا على العادي روحــــــــه وجيه
إسئلي التاريخ عن ما مضى تذكار
يــوم الخديوي نخى الــــبدوا هـيـه
إسئلي التاريخ عن دمعة الجار
يــوم صــــــاح يـــا سعدون الحميه
واذا كانت البداوه عيبها عــار
الرسول في زمانــــه راعي شليه
يابدويه وان عاب ساس الدار
لا تلومين اللي تقول ابــــــــــدويه
حنا البدوا نبقى لو صار مـــا صار
خــويٍ مــــا تخلى عــن خـــويـه
نحفظ حقوق الغير ونصون بالجار
لنا على العليا خبره ومقدريــــه


الشاعر احمد عبد الله الخالدي