سامحني

انا الغلطان ضيعتك
ومثلك ضعت صدقني
خسرتك للاسف وادري
بنفس الوقت محتاجك
حبيبي هذي اعذاري
وانا اترجاك سامحني
وانا اسف اذا تماديت
او تعمدت احراجك
تعال وغير اطباعي
وعلى الزلات حاسبني
وخلني ابتسم كلي
واغرق بين امواجك
بدونك دنيتي صعبة
طلبتك للوصل خذني
انا مهما ضوى صبحي
ابي ليل به سراجك
غيابك اتعب عيوني
غيابك حيل علمني
بان الدنيا لو ضاقت
فرجها ساعة افراجك
وخليك ارحم بحالي
كفاية البعد عذبني
حبيبي لا تخليني
تراني بجد محتاجك