الحب وعمايلو الجزء التاني

واول شي بشكركم على التفاعل بالجزء الاول
بعد التجربه الفاشله اللي جرحتني كتير تحولت من طفل بريء لشب مجروح
ماكنت بعرف الحب وكنت مفكر ان الحب شي حلو وماكان على بالي هداك الجانب السيئ وماكنت بعرف اني اللي بيخسر بالحب راح يخسر كتير
كنت كل يوم بفكر ليش الناس صارو هيك ليش الناس تجرح بسهوله
المهم مرت سنه على جرحي
والتئم الجرح شوي بس بني ادم عمرو ماراح يوقف بهالمشوار لا تقلي انا بستغني عن الحب
ومابعرف شو
المهم بنت حلوه بتحبو للمجروح
ومين بيشفي الجرح غير الحب الجديد صرت متل يحيى من حب لتاني ههههههههه
المهم والله وترددت اول شي بعدين قلت يمكن بنسى حب ياخي وخلص حالك من العزاب ومن التفكير
المهم حبيت البنت وصارت الطلعات وكترت مشاويري لعند بيت ستي كنت مابزورهون كتير بس لان الحبيبة الجديده كانت جارتهون صرت بوصل رحمي هههههههه
المهم والله الكل صار يعرف بحكايتي حكياة العاشق اللي كل يوم رايح بيت ستو حتى ستي صارت بتضحك علي
مابعرف ليه بس اكيد حست المهم بتعرفو قصص الحب والمقابلات والحضن ومسك الايادي يعني شي بيعقد
والله وصار موعد رجعتي لكمل دراستي بالكويت
لان هالحكي كلو كان بالصيف المهم وعدتا اني راح ارجع ونكمل كل شي
والمسكينه كانت الدمعه بعينها بس شو كان بايدي هاد هو الحب ازا بدك تخسر راح تخسر شي كبير كتير
المهم
رجعت الكويت وسنه كامله مابعرف عنها شي
وتندمت على كل اللي عملتو عرفت اني جرحت البنت وما كان لازم دخلها هالعالم
وعزبها وبعدين سافر وبخليها حايره تحب ولا تنتضر بعد سنتين سافرت سوريا مره تانيه
سنتين مابعرف عنها شي
كنت بتمنى بسافر الصيف اللي قبلو بس الضروف ما سمحتلي فا سافرت بعد سنتين
وتغيرت كتير
وماكنت حابب شوفها لاني جرحتها كتير سنتين مابسال
مابعرف مين غلطان انا ولا هي انا ما اسال ولا هي
بس كنت دايما اطمن من ستي ومن عمتي عليها
فا لما كنت بسال ستي شو اخبار الجيران كانت تضحك علي وتقلي اعقل
وانا من جواتي راح موتي بس بدي تقلي اي شي
المهم بالسفره هي لا زرت ستي ولا شي
ولا بدي قابل البنت لاني حبيتها من كل قلبي وما كان بدي اجرحها فا قلت سنتين اكيد البنت نست اللي راح
اتركها تعيش حياتها مرتاحه ازا بتحبها يا ابو العز
فا اقنعت نفسي غصب بس قلت لازم شوفها كل يوم
بس بدون كلام
اول يوم شفتها كنت حافظ شكله عدل
يالله تزكرت كل شي حلو كان بيناتنا وقعدت اطلع فيها وانا مبسوط انها عايشه حياتها عادي ومره من المرات شافتني وضلت عم تتطلع فيا
كانها شايفه هالقمر هههههههههه المهم شكت بالموضوع بس اخر مره شفتها تاكدت اني انا حبيب القلب
لاني زرت ستي وعرفتني وشافتني من قريب وما قالت شي بس ابتسمت
وسلمت عليها وقالت انها مبسوطه كتير لانها تطمنت علي
وانا قلتلها راح اسافر بعد كم يوم على منطقه تانيه بتمنى ما تزعلي مني
وتعيشي حياتك عادي
واعتبريها تجربه وعدت
قالتلي بس توعدني تسال
وتطمني عنك انا هون ماقدرت امسك نفسي فا حضنتا لاخر مره وانتهت علاقتي بهالقمر اللي بيشبهني ههههههههههه
ياريت تحكو بصراحه وتقولو شو كان لازم يصير وان اللي ساويتو صح ولا غلط
بيهمني راي الكل وماراح ازعل من اي حدا


يـــــــــــــــــــــــــــــــــتـــــــــــــــــــــــــــــــــــــــــبــــــــــــــــــــــــــــــــــــــع