كفاية عليّ حبك وحنانك
كفاية شوقك وشجونك
كفاية خوفك وسؤالك
كفاية زهرة ياسمينك
ووردك الأحمر بيمينك
كفاية عليّ حلو كلامك
وقلمك بيكتب إقرارك
إن حبي ساكن وجدانك
ورسالتي وصلت بستانك
وعرفت خلاص إني حبيبك
وفي قلبي سكنتّك وأويتك
وإوعي تفكر يوم إني نسيتك
ولا يمكن في يوم إني أسيبك
ولو كنت في بر الشام برده أجيلك
خلاص أنا بقيت حظك ونصيبك
وكفاية سهري مع قمرك ونجومك
أفكّر فيك وفي حلاوتك وجمالك
وأكيد بقيت أنا بفكرك وخيالك
وفي قلبي طبعت صورتك في مكانك
وعلي جدران قلبي حفرت اسمك قدامك
أرجوك إبعت ليا يا حبيبي عنوانك
وابعت ليا سيرتك ومكانك
وطمني دايما عليك وعلي أحوالك
ولا تنساش تكتب مكاتيب وحياتك
واقبل مني ورده حمراء من ورداتك
سلام بقي وتحية لغاية ما أشاهد جمالك
وأفوز بوصالك
