//--// طفران وحابب تسهر ؟؟؟!!!( ممممممممم ) //--//
________________________________________
إلي معوش ما بلزموش!
صديقي الطفران.. أنا عارف انو اليوم الجمعه وانت خاف عقلك بدك تسهر بس ما في بجيبتك حق شفرة حلاقة.. نصيحتي وكلها لله وفكك من هالقصص إلي انت مش قدها وحط راسك على الفرشة ونام. وإذا ما اجاك نوم اطلع على البلكونة واحلم واتخيل وبعدين عيطلك شوي وارجع نام، عشان يا صاحبي إلي معوش ما بلزموش!
------------------------------------------------------------------------------------------
بزر عباد الشمس
اخوي الطفران.. مرتك والأولاد أكلوا راسك بدهم يطلعوا رحلة على العقبة عشان يشوفوا البحر وأنت ماكل روح الخل ما معك تشتري باكيت دخان.. اسمع هالنصيحة! ..بتروح على أبو خالد الدكنجي وبتداين منه شوال بزر عباد الشمس لأخر الشهر.. وبتاخذ مرتك وعيالك وبتطلعوا على ظهر الحيط وبتفتح خزان الماء وبتقعدوا حواليه وبتظلكوا تسلخوا بزر عباد الشمس للصبح.
------------------------------------------------------------------------------------------
رحلة إلى شرم الشيخ
عزيزي الطفران.. ابن الجيران طلع رحلة على شرم الشيخ على حساب ابن عمو إلي جاي في إجازة من ألمانيا.. واكل راسك وهو بحكيلك عن رحلته والشرب والبنات اسمع مني هالنصيحة.. بتركب في باص المؤسسة أو باصات رغدان السلط وبتشتري خمس سجاير فرط «فيلادلفيا» وبتقعد جنب الشباك وبتظلك قاعد من الصبح لأخر الليل تتفرج على الشوارع وتعيط.. وبترجع بتحكي لابن الجيران انك كنت في رحلة لبيروت وبتحرق راس أهله..
--------------------------------------------- ---------------------------------------------
سمكة قرش
ابن خالتي الطفران.. ابنك الصغير جننك بدو يشوف سمك القرش ويروح على حديقة الأسماك والوضع صار صعب كتير واد عن حده اسمع هالنصيحة من أخوك إلي ماكل «....».بتاخذ الصبي من وجه الصبح وبتروح على مخيم الوحدات.. بتلاقي هناك محلات بيع سمك على قد شعر راسك وبتدفع لصاحب المحل دينار وبتجيب كرسي وبتقعد عليه الصبي وخليه يتفرج على السمك للصبح.
-----------------------------------------------------------------------------------------
تحت الزيتونة
أعزائي طلبة الجامعات الطفرانين.. إذا طلبت منكم «الخسة» تعزموها على كوفي شوب عشان تشربوا قهوة وتحبوا بعض اتبعوا الخطوات التالية:
1- احكيلها أنا ما بقبل انك تقعدي في مكان عام قدام الناس عشان أنا بخاف على سمعتك يا عمري.
2- بتروح على أول كشك قهوة وبتشتري كاستين شاي.. ودير بال! ك تطلب قهوة أحسن ما تعطش الخسة منها وتطلب منك تشتريلها علبة مياه معدنية
3- بدور على أي زيتونة في شوارع الجامعة بتقعدوا تحتها. بس دير بالك تخبص عشان الأمن الجامعي
-----------------------------------------------------------------------------------------
مطعم هاشم
عزيزي الطفران إذا كنت مصاحب بنت الجيران أو خاطب ومحتار وين تعزمها على العشا بعد ما شافت فيلم عربي عزم البطل فيه البطلة على مطعم وغارت منهم.. اتبع الخطوات التالية:
1- بتلم من صحابك في الحارة شوية فراطة.
2- بتروح عند أبو احمد الدكنجي بتجمد الفراطة بس بتخلي شوية فراطة عشان أجرة السرفيس.
3- دير بالك تحكي للخطيبة انك عازمها على العشا عشان تتعشى في البيت قبل ما تطلعوا وما تاكل كتير وتخرب ب! يتك.
4- بتركب سرفيس البلد وبتروح على مطعم هاشم.
5- بتطلب صحن ف ول مصري وبعشر قروش فلافل وكاستين شاي أم العشر قروش.
6- بس تروحوا راح تطلب منك تمشو للبيت عشان الفلافل نفخ معدتها وهيك بتوفر أجرة السرفيس
------------------------------ ---------------------------------------------------------------
سندويشات فلافل
عزيزي الطفران.. إذا كنت زهقان وملان وبدك تغير جو.. بتروح بتشتري رغيفين فلافل وباكيت عصير «دمعة» أبو الشلن وبتركب بسرفيس جبل الحسين.. وبتنزل في دوار فراس وبتجيب قطعة كرتون وبتقعد عند م**يم مول.. بس اسمع نصيحة مجرب دير بالك تعلق على البنات أحسن ما تروح عند دار خالتك.
عزيزي الطفران.. نصيحة مش يعجبك الجو هناك وتتأخر على موعد أخر سرفيس وتضطر تروح بت**ي وت**ر الميزانية.
------------------------------------------------------------------------------------------------
ارجيلة في الحاكورة
اسمع يامعلم انت طفران ! وماكل هوى وبدك تغير جو.... بتروح على على الدكان وبتشتري باكيت معسل تفاحتين ابو الربع دينار وكيلو فحم وبتولع الارجيلة وبتعملك كاسة شاي (كشري)وبتسحب حالك وبتقعد في الحاكورة قدام بنت الجيران الي عامله حالها قدام اهلها عم تدرس على ظهر الحيط...... وهيك يا معلم بتقعد احلى قعدة ولا احلى كوفي شوب في عبدون.
------------------------------ ----------------------------------------------------------------
سلم وحية
طفران باشا انت انخنقت من القعدة في البيت والعيشة صارت زي إلي في رجلك ....بتبعت اخوك الصغير يشتري لعبة السلم والحية ام العشر قروش من مصروفو ....وبتلم اخوانك واولاد الحارة الصغار وبتلعبوا والخسران بدفع على اللعبة شلن وهيك بتسلي حالك وبتلم منهم حق باكيت الدخان .
---------------------------------------------------------------------------------------------
مضايق روح على الحدايق
اليوم في موعد مع الخسة وانت طفران ما معك حق باكيت الدخان ....اسمع هالنصيحة من اخوك ملك الطفر ...بتاخد الخسة على حدائق الملك عبد الله وبتشتري خمس سجاير مالبورو فرط وبدور في الشارع على باكيت فاضي عشان اتحطهم فيه وبدورلك على شجرة تقعدو تحتها.
----------------------------------------------------------------------------------------------
ت**ي 11
طفران كالعادة..... عادي ياصاحبي الفقر مش عيب ..... المهم الصحة.... بس أكيد أنت زهقان ونفسك تغير جو... ياسيدي بسيطة استخدم هالطريقة المجربة واسمها طريقة ت**ي ( 11 )وأكيد كل الزملاء الطفرانين جربوها وتعني المشي في الشوارع علي رجليك وتلفلف زي الت**ي ووين ما تاخدك رجليك بتروح .... وما بتشوف غير الوقت مر بسرعة.
------------------------------------------------------------------------------------------------
رياضة كش الحمام
أسلوب جديد أصبح الكثير من الزملاء الطفرانين يتبعونه للترفيه عن أنفسهم وقضاء أوقات الفراغ وهو أسلوب غير مكلف ومناسب جدا للطفرانين ...... ما عليك غير تنزل على سوق الجمعة وتشتريلك حمامتين بلديات .... بعدين بتنزل على الم**لة في الحارة وبتجيبلك تنكتين وبتحط فيهم شوية قش وبتزتهم على ظهر السطح وبتظلك كل يوم المغربيات تطلع على السطح تمارس هوايتك الجديدة في الحياة وهي رياضة كش الحمام .... بشرفك مش أحلى من رياضة الفروسية
