مساء الخير
اليوم بوستي راح اتكلم عن الكاميرات الي امتلكها وبعض المعانات
اول كاميرا امتلكتها كانت هدية وهي
Canon G10
وكانت عندي بسنة 2010
كانت اول كاميرا تصقل هوايتي وتشجعني على التصوير
الكاميرا جدا قويه للمبتدئين والتحكم فيها واايد سهل
يمكن للحين هالكاميرا اقرب كاميرا لي وما استغنى عنها
لانها وايد سهلة وحجمها متوسط
وللامانة ما كنت مقرره اني اطور من نفسي واشتري كاميرا لاني كنت وايد مرتاحة لها
بس عيبها انها ما تقدر تشتري اي عدسة عشان تحسن من نوع التصوير
كانت عدسه وحدة الي نقدر نركبها وهي عدسة الزوم
وقبل جم شهر قررت اني اشتري كاميرا
وفعلا صعب انك تختار شنو تبي تشتري او شنو الاحسن
كانت الاختيار ما بين
Canon و Nikon
كانون كانت عندي فكره بسيطة عنها
بس نيكون كلش ما كانت عندي فكرة غير فكرة الاستماع من الاشخاص
بعد ما فكرت قررت نيكون ومع البحث بموقع فلكر قررت
اختار ما بين
Nikon 7000D
Nikon 300S
Nikon 300S
كانت دايما اسمع هالكلمة ان نيكون لا يحتاج الي فوتوشوب لتعديل الالوان وان الوانها وايد قويه
وهذا الي شدني لاني انا شخصيا وايد اتعب بالتعديل على الصور من ناحية الالوان
والمشكلة اني ما فكرت اروح اجربها بس شفت الصور وقررت
وانا في ابوظبي وتحديدا بالمطار رحت لقسم الكاميرات
وسالتهم عن
Nikon 7000D
Nikon 300S
Nikon 300S
وللاسف كانت خالصة
Nikon 300S
Nikon 300S
فكانت موجوده
Nikon 7000D
Nikon 7000D
قلت اجربها واشوف وصورت فيها واايد حبيتها
وبعدين سالت الشخص الي كان مباشرني بالاسئله وما شاءالله كان بروفيشنال
طلعت له كامرتي وقلت لها ابي كل هالمميزات موجودة بهذي الاكاميرا قال لي اي
قلت ورني بشوف وفعلا وراني كل شي
اني شويه ارتحت بس الي مو عاجبني كبر حجمها
قررت اخذها وكان سعرها وايد حلو مقارنة بسعر الكويت
توكلت على الله وخذيها
رديت الكويت الحين مستانسة ومشتطة ابي اصور
وانا بالبيت اشوف المنيو والستتم مالها المعقد حبطني
ما عرفت شلون طلع المميزات وين اروح
قلت ما علية نطلع فيها ونصور ونشوف وكان وقتها افتتاح انارة برج الحمراء قلت حلو نروح نصور فيها
وهذي صورها
الي مو عاجبني كوالتي الصور وايد ضعيف والرزليوشن وايد ضعيف
قلت سالفة بعد جم سال قالو لي لازم تعدلينها بالمنيو عدلنا ونفس الشي للحين احس ضعيف
حبطتني قلت ما عليه بعطيها فرصة اخيرة
Hisens وجهدت لي دعوة شركة الغانم لعقد الحفل الحصري لمنتجات
وهذي الصور
وما زالت الصور مو الي في بالي
قلت لها تدرين انتي مو مال احد يطلعج قعدي بالبيت احسن لج
مميزاتها
من كرهي لها ما شفت مميزة فيها
عيوبها
لوووووووووووووووول مليون عيب طلعت لها
لوووووووووووووووول مليون عيب طلعت لها
جودة الصور كلش سيئة
معقدة في اظهار الخصائص
معقدة في اظهار الخصائص
بعدين قلت لازم اشتري كاميرا كانون لاني كرهت النيكون
وهالمرة ما شفت صور ولا قررت ابحث
على طول رحت لاخوي وصديقي وزميلي المدون عبدالله الجلاوي كل الشكر لك اخوي
شرحت له معناتي بالنيكون واني مو قادرة اهيئ نفسي مع الستتم مالها وايد معقد
نصحني ودخلها في بالي قال لي اخذي
Canon 600D
وانتي مغمضة قلت اوكي بروح اشوفها بيوريكا ورحت شفت المنيو وجربتها واايد يازت لي
شفت سعرها طلع 285 دينار قالو لي نطري فية عروض
قلت انطر يالله
ورحت سالت بيست اليوسفي قالو لي سعرها 313 دينار
قلت لهم شي قالو لي لانها الكفاله على وكيلها الساير
قلت انطر
وشويه جان يوصل لي عرض بالتويتر عن
الي بجمعية الشامية AAB مسوين عرض عليها ليوم واحد
قلت يالله على طول من غير تفكير ناخذها
ورحت ولله الحمد شريتها وكان سعرها 260 دينار مع ستاند وميموري
وامس قررت اطلع معاها واصور وهذي اول صور لي بالكاميرا
الحين بقول لكم مميزاتها
امكانية تعديل الوان الصور بنفس لحظة التصوير
وزن الكاميرا عجيب مو ثقيله
امكانية شراء عدسات وفلاتر
جودة الصور لا تحتاج الي تعديل بالفوتوشوب
امكانية تعديل الوان الصور بنفس لحظة التصوير
وزن الكاميرا عجيب مو ثقيله
امكانية شراء عدسات وفلاتر
جودة الصور لا تحتاج الي تعديل بالفوتوشوب
عيوبها
للحين ما شفت فيها عيب
للحين ما شفت فيها عيب
وبس وهذي قصتي مع الكاميرات
نصيحه للي نفس حالتي والي كانت عندهم كاميرات ديجتال وما زالو يستخدمونها لا تطالع الكاميرات البروفيشنال والي تكون للناس المحترفة
لانة راح يزيد التعقد زيادة
