الله يسعد هالصباح للجميع
يا جماعة الخير انا الي شهرين ملاحظ شي غريب في المنتدى كان موجود من قبل وانعمل اجراءات للحد منها لكن الملاحظ انه صار يدخل اعضاء للمنتدى وبكل جراه صارو يسوو حركاتهم البايخه من دون اي رقيب ولا ان يسالو عن احد
ووصلت الامور ببعضهم انهم يوصلو لكلام جريء جدا مع بعض البنات لا اخلاقا ولا ديننا ولا حتى من صفاتنا كعرب ولا اردنيين ولا غيورين ... وهو المعروف عنا كشعب في هذا البلد
واحب احكي ببساطه اكثر ... في مجموعه من الاعضاء بيدخلو المنتدى ما بنشوف الهم مشاركات مفيده ولا مواضيع ولا فائده بالمنتدى لكن لو تابعناهم برسائل الزوار ورصدناهم بملفات الصبايا رح نلقاهم ما خلو صبيه بهالمنتدى الا وضافوها ...
او لاحقوها بكل مشاركه بكل رد بمعاكسه او تدخل ... وبيبدو يصبو خفته دمهم وزناختهم عليها ...
وفي مجموعه انا متابعهم بصراحه وصلت فيهم الامور انهم بيوم وليله صارو يمثلو عالبنات الحب وانه وانه وانه ....
وعارف رح يدخل هون مجموعه منهم ويقراو كلامي ويعرفو انفسهم ...
منهم حكيت معهم بصراحه ونبهتهم وارسلت للاداره مخالفات باسمائهم ....
والمشكلة الاكبر انهم ما بيدخلو الا ملفات البنات الصغيرات بالعمر ... واللي الوحده منهم جايه بعفويه وتعاملها باسلوب عفوي
وهون حاب اسال هالاعضاء وين اخرتها معكو ؟؟؟؟؟
يعني الواحد منكم ما عنده غيره او حياء حتى كل يوم نلقاه بملف صبيه ونازل معاكسه وتحركش وبخفف دمه ... وبالاصح اسمحولي اسميها زناخه ( يعني لو مصنع سردين ما فيه زناخه مثل هيك )
يعني المفروض المنتدى بمثابة بيت بجمعنا الكل بمختلف اعمارنا ومناطقنا ونكون مثال للعيله الشب يحافض عالصبيه وتكون بمثابة الاخت اله ... مش ينزل معاكسه وصب خفة الدم عليها
وحتى باسلوب كلامه مع البنت يكون محترم ولطيف ... دردشه حكي مزاح مش ممنوع بس بلاش اسلوب التصيد والمعاكسه بهدف الصيد بالمي العكره ... ( انتبهو جميعا )
وهناك امور كثيره لازم نحكي فيها
بس حتى ما اطول الكلام رح اترك فرصه للجميع يتكلمو
وبالختام .... بحكي لللي هالموضوع عنهم .... انه كلنا بالمرصاد الكو ... ما حد يحاول
