خلص بطلت

والله يا هديل ما بعرف شو بدي احكيلك

يعني الناس الصبح نايمين وبعد الظهر يعني يا دوبهم مصحصحين

وبين العصر والمغرب مرت لمة خياله ... بعد المغرب بدهم يدردشو مع الشباب

وبالليل كل واحد ماسك تلفونو بايدو وبيحكي ومغطي حالو بالحرام

يعني ما عندهم وقت يشدو حالم ويفكرو ويناقشو

مممممممممم
تفسيرك منطقي احمد
بس المشكله بهاي الايام
بتيجي بدك تحكي مع شب او بنت ... بتلاقي التفكير محدود بشغلات صغيره
ماافي تفكير ... كله مبني على هبل للأسف ...

المشاركة الأصلية كتبت بواسطة: M000DY;1847244 ........................

تم التعديل :face (23):

يعني شو احكيلك والله ما بعرف

انا هسه كل تفكيري انو باس الشسمو يزبط تبع شسمها عشان اضيف

صديقه جديده ..........

ههههههههههههههههههههههههههههههههههه

جد يا هديل في حكي ما بينحكى بصراحه

مو مبني على هبل ..... عندك عقول صدقيني

طفوليه بمعنى الكلمة يعني ما عندو هدف او طموح او خبرة بحياتو

والعتب عالتربيه والتعليم شو نسوي عاد

ههههههههههه
ليش مش راضي يزبط
بلكي الايميل حاطه غلط

الله يهديهم
ويكبر عقولهم لصغيره
لانه حرام :nosweat:

مو الايميل المشكله بالباس وورد حاسس انو اسم دوا

ليش ما بعرف المهم..

حكيتلك لازم الاهل من الاول يديرو بالهم عاولادهم

من وهم اطفال حتى لما يكبرو يكونو على قدر كافي من الغهم

بس لما الام الصبح بتشرب قهوة مع الجارات وفلانه راحت وفلانه اجت

وجارتنا ام علي اتهاوشت هي وابو علي لانو ابو علي ما رضي يشتريها ما بعرف شو

وبتروح تطبخ وتجلي قبل ما يجي جوزها يبهدلها .... ولما يضايقوها الاولاد اطلع العب بالشارع

وبعد الغدا بدها ترتاحلها شوي والعصريات بدها تزور اختها اللي خلفت من اربع سنين

والاب مو فاضي بيجي من الشغل شايف الديك ارنب بدو يوكل لقمه وينام على وجه طب

ومركن عالمرة ندير بالها على الاولاد

والاولاد يا حسرة عليهم بالشارع

شو بدك تتوقعي منهم هظول الاطفال لما يكبرو

صح ... لازم الام والاب التنين يتعاونوا على تربيه لولاد
ولازم يتفقوا انه االاب يركز على لولاد والام على البنات ... لانه الصراحه
هلا في ولاد او شباب مابفهمو اشي عن العادات يللي بتصير بين العيل
لانه الاب ما اخدهم معه من البدايه وهمه صغار لحتى يعلمهم

ووالله يا احمد
كمان مرات الاهل بعملو كل اشي لحتى يطلع ابنهم منيح
بس للاسف الابن بكون مخه مش مساعده
يعني مثلا بكون كل همه انه يتعرف على قدر اكبر من البنات او يركب كل انواع السيارات او اي اشي

شو فايدة التعليم بدون متابعه

انا برأيي في مبادىء الاب ممكن يغرسها بالابن من وهو صغير

بيظل ماشي عليها لحد ما يكبر ....

يعني التربيه مو انو نعلم وبس ... لازم نتابع وما تنسي انو في اصحاب بيأثرو

والبيئه كمان بتأثر ...... ليش ما العائله تختار الجبيئه المناسبه ليكبرو اولادهم فيها

مو غلط لو الاب اتعرف على اصحاب ابنو او الام تتعرف عصاحبات بنتها

يحاولو يطبقو المثل ( ان كبر ابنك خاويه )

يشيلو الحواجز بينهم وبين اولادهم هيك ممكن يسيطرو عليهم

مو امسك اولد لما يعمل غلط واضربو مثلا .... اوكي هو ما راح يعيدها قدامي

عشان ما اضربو يعني خايف من الضرب

مو لانو عمل غلط ... لو انحكى معو بأسلوب حنون راح يضل يتذكر الكلمه هاي طول عمرو

وما راح يعيدها

وفي حكي كثير والله ياهديل بس في بالقلب حسرة

شو بدي احكي لاحكي ........ المايك معك اتفضلي

احم احم

بالزبط يلي حكيته انت كنت بدي احكيه انا
لازم تكون في متابعه
بس ممكن الاهل يسيطروا على البنت ... بس صعب انه الاهل يسيطروا ع الشب
بسبب طبيعه حيااته وطلعاته لكتيره
واكيد عنده اساليب يضحك على اهله
وهمه بيكونوا مفكرينه ملاك ....

احكيلك هالقصه .. بالمنطقه يللي ساكنين فيها احنا في شب ... اعووز بالله منه
مجنن كل الجيران بشكل مش طبيعي
والكل بتأزى منه
مع انه اهله كتير محترمين ... بس مش عارفين يسيطروا عليه

قبل 4 سنين سمعنا انه اخد واحد على منطقه وقتله مشان 35 ليره !!!
ومسكوه الشرطه .. وانحبس وعملو عطوة ومن هالقصص .. ودفعو اهله ديه
وخفضوا الحكم ل 7 سنين
وقبل اكم من يوم بنتفاجئ انه طلع !!!!
يعني ما قعد بالسجن 3 سنين
هلأ هدا الشب مش رح يصير يقتل على كيفه ؟؟؟
بحكي كلها 3 سنين وبطلع
هون الحق على مين ؟؟؟