على الرغم من إصابته بعمى مؤقت، فإن الفنان خالد الصاوي كتب على صفحته الشخصية على موقع التواصل الإجتماعي "الفيس بوك" عن الغاز المسيل للدموع دون أن يشير لإصابته أمس الثلاثاء 22 نوفمبر في الميدان.
كتب يقول: "أنا بنزل مظاهرات من وأنا عندي 18 سنة، الغاز اللي انضربنا بيه الليلة دي غير أي غاز عدى عليا من 30 سنة، يا اخوانا احنا بنتعامل أوسخ من الكلاب".
وتابع:" شباب متصاب من الداخلية بيطالب بحقه بعد إصابته بعشر شهور يقوموا يضربوه زي ما ضربوا أهالي الشهداء قبل كده، ولما يتعاطف ناس معاهم يتقتلوا ويترموا جنب الزبالة، ولما يتضامن ناس معاهم يضربوهم بغاز شديد الخطورة..لو وافقنا على ده كله نبقى ناس بلا كرامة".
" هو ده أساس الموضوع مش عاوزين تفريعات فارغة.. انت لو في بلد غربي مش حتجروء تقول: وهم ايه اللي ينزلهم يتظاهروا؟ علشان حتلاقي عيل صغير يبصلك بازدراء ويقولك: وهو ده مبرر انهم يتعاملوا كده؟!".
وختم كلامه :" كل من يريد أن يؤسس لكرامة الإنسان المصري لازم يصر على محاسبة الطغاة، كفاية ذل بقى!".
يذكر أن الفنان خالد الصاوي أصيب أمس الثلاثاء 22 نوفمبر بعمى مؤقت من أثر الغاز المسيل للدموع في ميدان التحرير، وذلك لمدة نصف ساعة حاول فيها المستشفى الميداني معالجته، لكنه لم يذكر هذا في كلمته على صفحته الشخصية على موقع "الفيس بوك".