مساء الخير
مساء اجمل عطلة عيد
ما شاءالله الكويت اغلبها بالحج واغلبها مسافر لاحدى الدول والبعض متواجد بالكويت
طبعا عطلة وما تتطوف الصراحة ولازم سفرة اخترنا الامارات وتحديدا ابو ظبي لقضاء بعض ايام من العطلة
دقيت على سفريات القطان والصراحة غير سفريات ما اختار
كلمت الاخ محمد وعطيتة كل تاريخ السفر بس للاسف العودة عندنا كانت مشكلة
كنا نبي نقعد 4 ايام بس للاسف الطيران كله فل
فاطرينا ناخذ بس 3 ايام
وحجزنا 3 ايام وهم كانت فية مشكلة بالفندق الي ابية وهو فندق ياس وللاسف كان فل فاخترنا روتانا ياس
تم الحجز وكل شي اوكي والحمدالله وصلو لي التذاكر والاقامة لي دوامي
فموعد انطلاقنا للسفر كان يوم 7-11-2011 الي 9-11-2011
اخترنا طيران الاتحاد لانه اهو الطيران الوحيد الي يودي ابوظبي
طيراتنا كانت الصبح الساعة 10:30 ومطار دولة الكويت بهالوقت ايين الصبح فاضي ما كان لي خلق اصور اي شي الصبح لانة قاعدة من الصبح ذكرتني القعدة بالدوام
بدا الاعلان عن الرحلة وركبنا الطيارة واقلعنا في سماء الكويت
ابوظبي
فندقنا
اتحادنا
بهذا الوقت شنسوي غير الايباد ياخذ مكانة بينه وبدا اللعب
بعد ما لعبنا وضيعنا شوية وقت
بدا الافطار
واول ما دخلنا اجواء ابوظبي كانت السحب عظيمة
وكان الغيوم ايضا تغطي ابوظبي بالكامل
وبدا الاعلان عن ربط الاحزمة
استعداد لدخول الطيارة بين السحب يااا ربااااااه اكرة هاللحظة
عطيت اختي تصور بدالي لاني انا بحالة مو يم التصوير كلش
جان ندخل بين السحب ومن كثر من الطيارة عجيبة ما حسينا واايد
بالمطبات الهوائية
وبدات ابوظبي تبين من الاعلى
اول ما شفتها سميتها مدينة الذهب القادمة بقوة
فعلا هاللقب راكب عليج يا ابوظبي
وانا بالطيارة شفت برج المراقبة شكلة غريب
وبعد ما وصلنا بالسلامة خذيت لقطة سريعة للطيارة
وهذا هو مطار ابوظبي الدولي من الخارج
ومن الداخل عالم ممزوج بلون الذهب
ابوظبي بهذا الاسبوع تستعد لحدث قوي وهو الفورمولا 1 في حلبه مرسى ياس والاستعداد قائمة بكل مكان واولهم المطار
وانا بالمطار وقاعدة انطر دوري لمكان الجوازات وله هيا شعيبي معانا بالطيارة وانا ما ادري
ولما شفتها على طول صورتها
راح تقعد نفسنا 3 ايام بابوظبي و3 ايام بدبي و3 ايام بالعين
ولما خلصنا الاجراءات رحنا ناخذ اجناطنا
لوووول جنطتي اضحك حدها صغيرة
وبعد ما استلمت جنطتي
على طول لازم اخذ لي خط واخترت شركة دو للاتصالات لاني حبيت الوانها
وعايدوني لانة عندهم ثاني يوم العيد
وبعدين رحنا بمرر يودينا للخارج عشان ناخذ تاكسي
شفت ما في احد جان اصور جنطتي ماكو شغل
واخترنا تاكسي غير تاكسي المطار قالو لنا غالي وياخذ
عليكم بالعداد وكانو جذابين الصراحة
اجرنا هالتاكسي عشان يودينا الفندق وخذا 55 درهم عكس لما اخذنا تاكسي من
الفندق للمطار خذه منا 15 درهم شوفو الفرق فنصيحة
لا تاخذون تاكسي خاص اخذو التاكسي العادي الي يكون فية عداد
وبدا الانطلاق وما شاءالله شوارعهم تفتح النفس وااايد هادية حبيت هدوئها
ومرينا تحت نفق ايييين والله يهدية واايد دايس السايق
ووصلنا لجزيرة ياس وهذا فندق ياس اضغط هنا لرويته
وهذا فندقنا روتانا بجزيرة ياس
للعلم في ابوظبي فندقين لروتانا واحد بوسط المدينة ويم السوق
والثاني بجزيرة ياس
مكان الفندق وايد حلو ونفس المكان فية 6 فنادق وهم
كلهم يم بعض فواايد حلوو المنظر
واول ما دخلنا الفندق ولا ما شاءالله زحمة
وهذي قعدة اللوبي
حبيت رسمة الشيخ خليفة بن زايد آل نهيان
هالمرة بالسفرة قررنا ناخذ كل وحدة بغرفة لانها سفرة صغيرة
والحمدالله انه حطونا كلنا يم بعض
واحنا رايحين للغرفة صورة المطاعم الموجودة بالفندق علي السريع
CHoices
Blue Grill
وكانو حاطينا بالدور الخامس وحبيت انه ممنوع التدخين اعشق هالعلامة
والحلو انه الفيو عجيب من فوق فصورت هالصورتين
وهذا الممر المؤديه للغرف
وهذا رقم غرفتي
واول ما دخلت شفت التلفزيون ولا حاطين ترحيب لي
وهذي غرفتي
وهذا الحمام اكرمكم الله
وهذا الكاكاو والمكسرات
وهذا الشاي حق الصبح
وهذا الكبت الخاص وحلو انه كل غرفة حاطين الاوتي داخل عشان مو كل شوي نتصل ونطلب ونقعد ننطر على ما ايبونة لنا
واول ما فتحت البردة شفت منظر مال تصوير ومو مال نتكلم عنة
طلعت مخدتي الي لازم بكل سفرة تكون معاي
وجذي خلصت التقرير الاول
وهنا الجزء الثاني
http://www.meenakon.com/?p=9274
[FONT=tahoma][CENTER][CENTER][FONT=tahoma][CENTER][FONT=Simplified Arabic]http://www.meenakon.com
[/FONT][/CENTER]
[/FONT][/CENTER]
[/FONT]
