أول أمسي كنت ماشي في طريق الفـــيصليـه
********* واثقن ما غير ربي أرتجـي عفـوه وأخـافـه
شايلن في راس خــشــمي قشرتـي والعنجهيـه
********** ساهين والكـــــل ساهي دونما أيــّة كلافه
حولي الدنيا وكنـها مقطعن مـن مسرحيـه
************* واحدن ضايق وواحد .. كنه في ليلة زفافـه
وآنا بآقلب عــيوني بيـن ذيـك وبيـن ذيـه
*********** فاح عطرن وإستساغ الأنف عندي إرتشافه
والتفت ولــيــت ربي جنـب عبـاده الأذيـه
******* وليت عيني ما إستدارت واتركت عتها اللـقافه
شفت بنتن يشهد الله غــير عن كـل البريـه
************ كنها بستان وردن زاهيـن يطلـب قـطافـه
رمشها لا سلهمت به تطرح جنـود بـسَـريـّـــه
*********** والهدب مزيون ساحر كل من عدّا وشـافـه
والوجه فيه إصطباحه يصطبح من غـير نيـه
*********** والشفايف في حلاها مثل قطرن فـي كنـافـه
والخدود مورداتن مثـل خــجـلـى مــستحيـه
*********** والله إني لو بوصف بآصل حـدود الخـرافـه
والعنق سبحان ربي عنـق ظبيـه عارضـــيـه
********** غطّته بالشال وأشعر حالتـه يـا واحسـافـه
صرت قيسن في ثواني وكنها ليلى العامريـه
********* أي ّ ليلى لعنبوها ذكرتني فـي ( سُــلافـه )
وخصرها لا من تثنى فـــيـه رقــه وشاعريـه
********* فيه غنجن وإرتعاشن قـام يعلـن إحــترافـه
وش بوصـــف وش بشـبِه والله إنها غيـر هيـه
************ في بنات الكون كِله حقها تمسـك خــلافـه
نيوتن اللي ذاع صيته بإكتشـاف الجاذبيـه
*********** لو رآها في حُسنها كـان أثبـت إكتــشافـه
