كل عام و انتو بالف خير ... خلص عيّدت ... قاعد بستنى ريحة المعمول و الكعك بعجوة, صباح القهوة السادة مع حبّة شوكالاتة " أو شوكالاطة " ... ضحكات الاطفال و زقزقة المراجيع, بوسة علخد اليمين و عشرطاعشر بوسة على الخد الشمال ... كلها سهرانة للصبح تشتري أواعي العيد " البلد كلها بتلمع " ... البلد كلها بتضحك .. البلد كلها معطلة ... مافي قرف مديرك, مافي نق مرتك " مش فاضية بتنقر كوسا بايدها الشمال و بتلف ورق دوالي بايدها اليمين و حاطة التلفون بين كتفها و راسها بتحكي تلفونات مع اخواتها عشان تعيّد عليهم " ...
خلص عيّدت ... و التلفزيون الأردني رح يحط مسرحيات مدرسة المشاغبين و سك عبناتك و الزعيم و عبد السمّيع اللّميع خلال أيام العيد, و الراديوهات رح تعمل مسابقات في المولات و الشوارع " احزر و اربح " أو " نشّف ريقك و ما تربح " ... طبعا ما رح انسى صفوف شباب الواكس على بوابات مكّة مول و سيتي مول و بركة مول و مختار مول و استقلال مول و عبدون مول و قيد الانشاء مول, قاعدين بحاولو يدخلو بس للأسف " المول عائلات ايام الخميس و الجمعة و الأعياد !!!! " ....
خلص عيّدت و العالم رح تتزكّر قرايبها بعد 11 شهر من النسيان , و كل واحد رح يروح يزور قرايبو يبوسهم و يشرب قهوة سادة و يوكل كعك بعجوة و شوكولاطة, عشان في المقابل قرايبو يجو يزورو و يبوسو و يشربو قهوة سادة و يوكلو من شوكولاطاطه و معمولاته ... هو رح يدفع عيديّات لأولادهم و هم رح يدفعو عيديّات لأولاده " طبعا كلّو رايح للأهل و بضحكو على المسكين بليرتين فقط لاغير + 16 % ضريبة مبيعات عشان الحكومة ما توخد ولا تعريفة من عيدية ابنو " ...
العيد حلو يا اخوان ... العيد جميل و شاعري ... العيد صلة أرحام ... العيد فرحة ... بس ... و حطّو ثلاث سطور تحت كلمة بس ... عشان العيد يكمل معكم بفرحة احذرو الأمور التالية :
احذرو شوفير التاكسي لأنو في العيد بقلب وزير متقاعد !!! بدّك تصلّي استخارة عشان يرضى يوقّف و تعبي طلب عطاء عشان يرضى يركيك ... هدا ازا عجبو انت وين رايح أصلا و صدفت انّك على طريقو ... طبعا اوعك ثم اوعك تفكر توخد تاكسي لمسافات كبيرة لأنو العدّاد بقدرة قادر رح يطلع "تنازل عن قطعة أرضك في طريق المطار ", و هذا سيؤدي الى كساد اقتصادي في جيبة حضرتك ...
احذرو برائة الأطفال التي تأتي قبل عاصفة الفتّيش " الفقّيع " و فرود الخردق ... و ان كنت تظن انهم كيوت فاعلم انّهم كيوت شدّة " جواكر " و ستكون ضحية و عبرة لغيرك !!!! رح يخردقو عرضك بالفرد و يحرموك من كلمة بابا من أصوات المتفجّرات التي يملكونها .. احذر اخي أحذري أختي ... و قد أعذر من أنذر " يا ريت بقدر أحط موسيقى تصويريّة هون "
احذرو بائعين الملابس و الأحذية " بعيد عن السامعين " : اذا حكالك هاي قطعة تركية فاعلم ان تركيا بحد ذاتها بتصنّع في الصين ... اذا حكالك هاي القطعة فش منها غبر تنين في السوق " هدول القطعتين الي ضلّو بعد ما ستّة مليون أردني شرو منها " ... ازا حكالك " بعد ميت حلفان بالله و ميت حلفان بالشرف " انها ما بتوفّي معو بس هو ارتحلك و بدّو يبيعك اياها على الكلفة " الكوست ", فاعلم انّك اكتر واحد ربح منّو ...
نهاية كلامي بتمنّى انو الشباب ما تقضّيها شرب في العيد ... و بتمنّى انو اطفال فلسطين و سوريا يقدرو يعيدو معنا هاي السنة, و كل عام و انتو بالف خير و يتعاد عليكم بالصحة و العافية ...
كتبها نيكولاس خوريخلص عيّدت ... و التلفزيون الأردني رح يحط مسرحيات مدرسة المشاغبين و سك عبناتك و الزعيم و عبد السمّيع اللّميع خلال أيام العيد, و الراديوهات رح تعمل مسابقات في المولات و الشوارع " احزر و اربح " أو " نشّف ريقك و ما تربح " ... طبعا ما رح انسى صفوف شباب الواكس على بوابات مكّة مول و سيتي مول و بركة مول و مختار مول و استقلال مول و عبدون مول و قيد الانشاء مول, قاعدين بحاولو يدخلو بس للأسف " المول عائلات ايام الخميس و الجمعة و الأعياد !!!! " ....
خلص عيّدت و العالم رح تتزكّر قرايبها بعد 11 شهر من النسيان , و كل واحد رح يروح يزور قرايبو يبوسهم و يشرب قهوة سادة و يوكل كعك بعجوة و شوكولاطة, عشان في المقابل قرايبو يجو يزورو و يبوسو و يشربو قهوة سادة و يوكلو من شوكولاطاطه و معمولاته ... هو رح يدفع عيديّات لأولادهم و هم رح يدفعو عيديّات لأولاده " طبعا كلّو رايح للأهل و بضحكو على المسكين بليرتين فقط لاغير + 16 % ضريبة مبيعات عشان الحكومة ما توخد ولا تعريفة من عيدية ابنو " ...
العيد حلو يا اخوان ... العيد جميل و شاعري ... العيد صلة أرحام ... العيد فرحة ... بس ... و حطّو ثلاث سطور تحت كلمة بس ... عشان العيد يكمل معكم بفرحة احذرو الأمور التالية :
احذرو شوفير التاكسي لأنو في العيد بقلب وزير متقاعد !!! بدّك تصلّي استخارة عشان يرضى يوقّف و تعبي طلب عطاء عشان يرضى يركيك ... هدا ازا عجبو انت وين رايح أصلا و صدفت انّك على طريقو ... طبعا اوعك ثم اوعك تفكر توخد تاكسي لمسافات كبيرة لأنو العدّاد بقدرة قادر رح يطلع "تنازل عن قطعة أرضك في طريق المطار ", و هذا سيؤدي الى كساد اقتصادي في جيبة حضرتك ...
احذرو برائة الأطفال التي تأتي قبل عاصفة الفتّيش " الفقّيع " و فرود الخردق ... و ان كنت تظن انهم كيوت فاعلم انّهم كيوت شدّة " جواكر " و ستكون ضحية و عبرة لغيرك !!!! رح يخردقو عرضك بالفرد و يحرموك من كلمة بابا من أصوات المتفجّرات التي يملكونها .. احذر اخي أحذري أختي ... و قد أعذر من أنذر " يا ريت بقدر أحط موسيقى تصويريّة هون "
احذرو بائعين الملابس و الأحذية " بعيد عن السامعين " : اذا حكالك هاي قطعة تركية فاعلم ان تركيا بحد ذاتها بتصنّع في الصين ... اذا حكالك هاي القطعة فش منها غبر تنين في السوق " هدول القطعتين الي ضلّو بعد ما ستّة مليون أردني شرو منها " ... ازا حكالك " بعد ميت حلفان بالله و ميت حلفان بالشرف " انها ما بتوفّي معو بس هو ارتحلك و بدّو يبيعك اياها على الكلفة " الكوست ", فاعلم انّك اكتر واحد ربح منّو ...
نهاية كلامي بتمنّى انو الشباب ما تقضّيها شرب في العيد ... و بتمنّى انو اطفال فلسطين و سوريا يقدرو يعيدو معنا هاي السنة, و كل عام و انتو بالف خير و يتعاد عليكم بالصحة و العافية ...
