:bkk:انا زعلان منك كتير وشايل لك بقلبي عتاب واتمنى تحملني مثل ما اتحمل عتابك
ترى بعض الصراحة جرح وثقل ونرفزه واعصاب ابي تسمع كلامي زين وتمسك زين اعصابك
تعاهدنا انا وانته على إنا نكون احباب واحبابك هم احبابي واحبابي هم احبابك
شو الي غيرك فجأه تكلم واذكر الأسباب انا بسمع كلامك وبسمع اسبابك
رغم كل الخطاء منك فوجهك ما قفلت الباب ويوم اخطيت في حقك قفلت فوجهي ابوابك
رخصت الغالي لعيونك حنيت لخاطرك ارقاب رضيت احنيها ارقابي ولا تحنيها ارقابك
كفايه تمتحني هم وخل من ذم فيني وعاب ترى من عاب في غيرك ولو طال الزمن عابك
ولا تفكر في يوم انساك او يشغلني عنك غياب انا اتنفسك اهواك وفيك اموت واحيابك
انا ما شوف حد غيرك جميل بفتنته جذاب انا إعجابي فيك اعمى يفوق اعجاب اعجابك
انا مهما قسى قلبي بكلمه منك احسه ذاب انا من زود عشقي لك عشقت العطر في ثيابك
انا ياليت مغرم فيك انا كلي فغرامك شاب احسك جزء من روحي ولا اتحمل غيابك
ولا قد طاب لي جرحك ولو جرحي لذاتك طاب عجزت اقدر اشوف الدمع بل اطراف اهدابك
ولكن كل شي إلا جزاة الصد بالترحاب إذا صديت ترحابي ترى باصد ترحابك
ولاني مرتضي ذلي ولو كان الهواء غلاب إذا ماكان ترضا بي حشاء لا يمكن ارضا بك
ولاني قادر اتحمل عشانك غرست الأنياب انا كلي غدى مجروح من غرسات انيابك
تجافيني ولا همك ولا تحسب لي أي حساب وانا من زود عشقي لك اصونك واحسب حسابك
ألآ يا قسوة الصدمه تجيني منك الأصواب وانا الي كنت اقول الجرح إذا ما صابني صابك
أمانه قول وش بقيّت للعذال والأغراب اذا هذا معي طبعك اجل وش حال اغرابك
تمرد كان يحلى لك تعيب فطيبتي وتغتاب ولكني تراي اكبر من اني يوم اغتابك
حقيقه اكتشفت انك سخيف بطبعك الكذاب واني كنت لك لعبة سخيفه تشبه العابك
انا عيبي غبي طيب وضني فيك والله خاب ولا قد كنت اتوقع تجافي يوم اصحابك
انا جيتك بطيب الطيب وفيك الطيب ابد ما جاب ابي تعذرني ها القسوة لأن الطيب ما جابك
خسرتي كل شيء أدري ومع هذا خسرتيني
ماعاد أحبك ولانفسي بأحد ثاني العمر مرة وأنا ماأبيك مرة أجرح مادام الجرح فيني يسليك أجرح عساك أنت السبب في وفاتي
لاتفتكر إ
ني بيوم لك حنيت أبشرك غيرك خذ مكانك لاتذل روحك وتطلب السماح قلبي بعده مابرا من الجراح
روح الله يسامحك ماعاد باقي وقت للتفكير إنت الخاين بإحساسك وأنا قلبي الطيب الكبير لاترجعين ما أبي الغلا ذاك ينعاد فعلا أحبك بس عندي " كرامة "
لاني بولي أمرك ولاني بمسؤول هذي حياتك وأنت حر بحياتك أنا مرتاح من بعدك " شكرا" يوم خنتيني
فمان الله يابنت الناس وأظنك تعرفين الدرب حب كان يعنيني ترى ماعاد يعنيني وش هو ذنبي فقير وراس مالي طيبتي ؟؟!!
تحسب أني متيم في هواها وأن عيني ماتشوف سواها مادرت إني أعشق غيرها أحب وألعب من وراها
من باعنا بالرخص نرخص مقامة أنا نفسي عزيزة ماتود اللي ضايع وداده ولاتهوى عشير كل يوم يغير أطباعة
أرجوك تسكت ولاتكلم ولا بحرف مالك عذر مالك كلام تقوله ياشيخ آسف وين بلقى لها صرف مادام قلبك انكشف لي ميوله
((خـــلـــهــم يــنــفــعــونــك))
خلهم ينفعونك دامهم ينفعونك يعجبونك
اليوم تضحك شفاتك بكره تبكي عيونك
صرت منهم وفيهم بعت قلبك عليهم ليتهم
يشترونك كنت غايت مناتي وكل فكري وداتي
كنت ماخذ حياتي قبل ما يأخذونك ماينفعك
غير حبك مايفهمك غير قلبي والناس مايفهمونك
روح لهم وش تبي فيني قريب جرحي يطيب رحمة
الله ولا رحمة عيونك. أنت وينك....؟ أنت وينك ليش عن عيني تغيب...؟ وانت في بالي ومن قلبي قريب... ليش تتركنا وتحياء في بعاد...؟ وأن دعيت للتداني ما تجيب... ليش بعد الوصل حبيت الفراق...؟ وابتديت السير في الدرب الصعيب... ليش تجعل وصلنا يصبح غياب...؟ والفرح يغدوا بقلبينا نحيب... ليش تترك دمع عيني با نسكاب...؟ في غيابك والدفى فيني لهيب... أنت وينك طال بالعمر السفر...؟ وأنت في غربه وأنا مثلك غريب... يا حبيبي قد مضى عمري و مر.... وأنطوى وقتي وانا مالي حبيب... غير طيفك وانتظاري والسهر... وللأسى والليل والصمت الرهيب... والجروح اللي غدت فيني قدر ... ما يداويها سوى وصلك طبيب... أنت وينك طال في الغربه مداك...؟ أنت وينك رد يا خلي وجيب...؟
وقت العتب راح لاترجع تعاتبني مات الوفا والبقا في راس وجداني..
ماني مثل ما انت خابرني وتحسبني فلان الاول اصبح واحدا ثاني..
خلاص مات الهوى لاتهدم وتبني تركتني لين جا النسيان ناداني..
العام ادوّر سبب منك يقربني واليوم ادور سبب عشان تنساني..
بعثرتني في هواك اليوم رتبني نسيتني الناس شفني صرت وحداني..
كان السهر في هواك اللي محببني والحين حتى السهر يكبر على اجفاني..
اجيك يمحيني عتابي ويكتبني مافيه طاري عتب يمر ماجاني..
وارجع وانا اقول: وش للجرح جايبني ادري بجرحك ولا ادري ويش وداني!!
عن صدق الاحلام جا الواقع وكذبني وعن فرح الايام جا حبك وبكاني..
مليت اشيل الامل والدمع يغلبني واقول بكره يجي للشوق يلقاني..
ويروح بكره واجي والوقت قالبني وارجع على وحدتي واحزاني .. احزاني
بكيتك العمر كله يامعذبني وشفيك ماتبكي الليله على شاني..
كتبت ماهو عشان تقول عاجبني مليت من جزله وصح الله لساني..
انا وطن شعر لو شعري مغربني كتبت اجمل جروحي لجل تقراني..
خلاص لاتتعب وترجع تعاتبني انا نسيتك دخيل جروحك انساني..
♥