نهاية جرة غااز ......شجاعة ؟؟

بسم الله الرحمن الرحيم



في قعده من قعدات البيت هي كانت امبارح أو أول إمبارح مش عارف بالزبط كنا ملتمين و قاعدين حولين صوبة الغاز اللي كنا مشغلينها على شعلتين ( شوف البعزقه ) ..
المهم حجتنا في البيت حاطه على قناة البركه اللي ما بطلع فيها غير شيخ واحد اسموا محمد سيد عبده ( اسم الشيخ اللي ع قناة البركه ) المهم كان هاد الشيخ يدعي
اللهم أعن غزه و أهلها ... اللهم أعن غزه و أهلها .... اللهم أعن غزه و أهلها
اللهم أنصر غزه و أهلها ... اللهم أنصر غزه و أهلها ... اللهم أنصر غزه و أهلها

ما علينا و كنا بجوز قاعدين 16 نفر من الدار و الباقيين كانوا موزعين في مناطق أخرى من البلد في تلك اللحظه
المهم و لما كان زلمتنا الشيخ بدعي و اذا بنا نلمح أبانا اللي قاعد بطلع ع الصوبه و وجهو قلب 600 لون
أوف شو القصه ... و صرنا نقول يا حج شو في شو القصه ... المسكين بقول الصوبه و كلنا ال 16 صرنا نطلع ع الصوبه بأنبهار
يا حسرتنا الشعله تبعت الصوبه ... بتخف شوي شوي
الحجه عنا صارت تقولي يا فلان ... احمل جره مالها ... هزها ... شو الدعوه ... حملتها بقولها يا حجه فش أمل
بتقول أروح اجيب ميّ سخنه بلكي ع الله نط أخونا قام صار يحمل بالجره يقول كمان فش أمل
هاي الجره بأخر أنفاسها الغازيه
الحجه .. لأ ... ليش ... أخونا الثالث بقولها جهّزي ست نيرات و نص ... عشان نشتري جرّه جديده
الحجه حطت إيدها على وجها ... و صارت تقول هتوللي هالتلفون ... بقولها الحج ليش
قالتللوا هسه بتعرف
رنت ع الشيخ اللي ع قناة البركه ... المهم بالمليح بالعاطل رد الكنترول ... الحجه بتقولوا هات الشيخ ع الدعسه
قلها .. يالله دئيئه ياحجه دلوئتي الشيح حيكون معاكي

لما رد الشيخ ... قالتلوا يا شيخ ... إدعي
اللهم أعن الشعب الأردني على الغلاء ... اللهم أعن الشعب الأردني على الغلاء
و صار يردد الشيخ ... اللهم أعن الشعب الأردني و الشعوب العربيه على الغلاء
و بهاي الدعوه كانت جرة الغاز بتلفظ أنفاسها الأخيره و طفت الشعله

و توته توته خلصت الحتوته
حلوة ولا فتفوتة .؟؟؟



منقووولة من واقع الشعب الاردني