البارحه تالي الليل ونيت
ونه صويب القلب وربعه نيامي
وقمت قصدت الرب وله صليت
وطلبت المعبود بستر الاهمامي
وقمت خارج البيت وعنه تمشيت مشغول بالي من معاسير الايامي
وغزتني هواجيس منها عانيت
صابت بقايا النفس صوب الاسهامي
وناديت باعلا الصوت ثم ناديت
صوب الطبيب اللي يخفف الامي
وثنى على الصوت ومنه تقسيت
قسوه وحيد الخلاء محروم الكلامي
وثنيت حزين الحال قاصد البيت
حامل اهموما محطمه اعضامي
وسمعت صوت ومنه تقسيت
صوت بعيد يقتربلي ابظلامي
ويشهد الله اني للصوت لبيت
وعرفت منهوا كان للصوت رامي
وشفته وعرفته وبونينه تلاقيت
ذيب حزين انا وياه بالاعتامي
وقلت يا هلا بالي فيه تلاقيت
اتفضل ادخل عليك السلامي
تفضل ادخل تراك بالبيت
حطيت بيتا كريم يزف الطعامي
وقلت يا ذيب من ايش عويت
ونت حر النفس ليوم القيامي
قال يا خوك من البشر عانيت
انا المطرود من اول ايامي
حيث اني من البشرياما ارتميت
وكتبلي المعبود بزود الاعوامي
واليوم عندك تراني ارتخيت
ضعيف النفس ماتنقلني عضامي
قلت ابشر تراك عندي حطيت
وعليك مني السلام وحفظ الذمامي
وقالي يا خوك كيف انت جيت
بارض الخلاء ساكن دون الانامي
من طول عمري طرق الخلاء مليت
ما صادفت مثلك وحيد الاخيامي
قلت يا ذيب تراك بالقول تعديت
تبي تعرف سبب مسكني بالتمامي
وليش انا بالصحاري هبيت
واخذتها لي مسكن دون الانامي
كله سبايب سكه منها تعثريت
فرقت بيني وبين اخيو الاعمامي
ومن عقبها اعلنت رحيلي وبنيت
بيتا بصحراء وانت فيه قدامي
واليوم تراني من القلب تكويت
وسرت انا وياه بزمن الخصامي
اسباب خل عنه ما تخليت
والقلب لجله دايما يشكي غرامي
ويا ذيب تراني فيك انتخيت
بمرسال توصله من حبر الاقلامي
من اوراق شعري وبالخط دزيت لصاحب اللي دايم الدوم قدامي
وصفه جميل وعن غيره تبريت
ومن صورته بالقلب فاخرت الانعامي
ووصيك يا ذيب كان بحبيبي طبيت
غظ النظر يا ذيب بكل احترامي
وقله اني عنه ترى ما تخليت
وعاهدت ربي بالبيت الحرامي
اصبرعلى بلواي لو انه الميت
والعهدما خونه بكل الارقامي
غير انا وذكراه وواسط البيت
والليل معي شاهد بالاحلامي
جد السفر يا ذيب كانك نويت
توصل المرسال وتبلغ سلامي
جد السفر واختصر دون تلفيت
ترا الغيبه عندي تزيد الالامي
وان كان ضيعت الهدف وما طبيت بالبيت ترا انا المرحوم وهذا كلامي
منقوله....
