الله الله مــن الدقـايق والسنــين اللــيِّ تمـرّ
حتـى ايــام الطفـوله مـا لهـا بالقــلب شــيِّ
كــم تعبــت وكـم بكيت وكم يعذبني السهر
وانطعــنت الفــين مــره وانكويت بقلبي كي
ذكــرياتــي سمـمــتني لا اجيــها ولا امــــرّْ
وكــل مـا فيـها ظـلام وصفـحتي تطويها طي
والجـروح اللــيِّ اضــمَّه جابــها لـيَّ القـدر
جابـها وصـارت حيـاتي لا تـروح ولا تجـي
البــدايه كــان فقــر لحــالتــي ودنـــيا فقـــر
والنـــهايه راح منــي كــل شــي ووالـــــدي
صــار نومـي وسط شارع والغطا ضي القمر
وصــرت ما بيــن القرايب كني شيِّ ويرتمي
عشـت محروم السعاده انتظر قطـرة مطــر
انتــظر كلمــة حنيــن ودام قلبـــي مبـــتلي
الحقــيقه اني بعـيد وصـرت فــي اخر سطر
وابتـلاني الهـم بدري وليلي اصبح مسكني
ليــه عمـري طـال ..وعمـري كل اوقاته قهر
ليــه دمعــي صـار دَمّ . وسَـمِّ لازَم مدمعي
ليــه غيــري يفـرح بقلــبه وانــا قلبي انتـثر
يا عسى ربـي يعـين اللـيِّ ما غيـره ارتجي
ليتــني بـْدرب السـعاده يـوم واحـد وانـدثــر
ليــت دمعــي ما يطيح وليـت عمري ينجلي
كــــم دعيــتك يا الـه الكــون مـوتـي انتــظر
علَّني انسى المواضي حتى باقي مجلسي
ضاقت الدنيا بعيني وقلبي مـن همه انفطر
والامــاني فارقتــني ومـوتي والله مطـمعي
................ 
.gif)
ــــــــــي
