المشاركة الأصلية كتبت بواسطة: .-*.._m_m_kilani_..*-.;1537908 الصحافة الأردنية الإلكترونية إلى الحضيييييييييييييييييييييييض ..
(على أساس إنها صحافة)
أولاً: الخبر من أوله يفتقر إلى المصداقية المهنية وهو أقرب إلى سواليف المطلقات من الخبر الصحفي
يعني بالعادة يبتدأ الخبر بكلمة قال، صرّح، أعرب، عبّر، أفصح فلان الفلاني عن ...
هون بلش بالخبر وكأنه هو اللي كان واقف على راس شباب المكافحة أثناء العملية
أو إنه مراسلنا من داخل الشقة أثناء المداهمة !!
ثانياً: مضمون الخبر متناقض ومخربط وكأنه اللي كتبه مش مصدق على هالخبر وبده ينزله عالنت كيف ما كان يكون قبل ما حدا يسبقه ..
لأنه يا عزيزي الصحفي والكاتب وحتى ناقل الموضوع كان بإمكانك بكل بساطة تتأكد إنه ما في إدارة مكافحة مخدرات في البقعة! :ohgod:
والملفت للانتباه إنه الإدراة بالبقعة والشب انمسك بصويلح واتحوّل لمكتب المكافحة بالسلط!
يعني بالعربي خبر يفتقر إلى الإسناد إضافة إلى إنه المتن مغلوط وفوق هيك منشور بثلث ترباع المواقع الإخبارية!
ثالثاً: السطر الأخير نهفة أكثر من كاتب الخبر نفسه..
وكأنه بقولك إنه القيادي البارز ما بده يفضح حاله بس هينا إحنا بدنا نفضحه:imma: .. وهه
طيب يا سيدي على فرض إنه الكلام مزبوط والقيادي كان يخبي،، طيب إنت شو عرفك إنه كان يخبي !!
ولا كنت مستني منه ينزل بيان يعلن فيه إنه ابنه انمسك !!
أخيراً: الكلام أعلاه مش دفاعاً عن الإخوان المسلمين اللي أنا شخصياً ضد تصرفاتهم الغوغائية، ولكن الخبر –إن صح التعبير- ما إله خص بدخل بالإخوان بالمسلمين!
لأنه وببساطة اللي انمسك لا من الأخوان ولا من المسلمين
وإذا كان أبوه من الإخوان فبحب أذكرك إنه ابنه لنبي الله نوح عليه السلام كان كافر!!
وأبوه لنبي الله ابراهيم كان برضه كافر!
بعد الأخيرة: الخبر نفسه تحشيش وربما يعتبر نوع من أنواع الحشيش ويعرض كل من يتدواله إلى الملاحقة القانونية
وأنا شخصياً رح أبلغ عنه لإدارة المكافحة - البقعة - أول جورة بعد المطب
المشاركة الأصلية كتبت بواسطة: .-*.._m_m_kilani_..*-.;1537911 وكاتب الموضوع با ريت لو انتبهت لعنوان موضوعك !!
نجل قيادي إسلامي !!
وكأنك بتحكي إنه الإخوان هم الممثل الوحيد للإسلام في المملكة الأردنية الهاشمية
اخوي محمد انا بنقل الاخبار بغض النظر مين المستهدف فيها
وبنقلها زي ما هيه وكنت بالعاده احط الرابط تبع الخبر من بعد الموضع
ولكن بما انه فيها اعلانات لخارج المنتدى فلغيت الموضوع
وبالنسبه لعنوان الموضوع نفس العنوان الي الخبر كان نازل فيه انا نزلته
وان شاء الله رح انتبه للمواضيع الي بنقلها
وبتشرف بملاحظاتك في اي وقت :hi:
القبض على نجل قيادي اسلامي بتهمة الاتجار والتعاطي بالحشيش
