.
[poem=font="arial,6,darkred,normal,normal" bkcolor="transparent" bkimage="http://moh99d.com/vb/mwaextraedit2/backgrounds/13.gif" border="double,4,chocolate" type=2 line=1 align=center use=ex num="1,orangered"]
يا بنت والله عفت صيغة حياتي = مع ناس تتحرى لوقت الشماته
ما صار مني غير خير السواتي = ليه الزمن يا زين فارض قساته
يمكن قدر هي سرمدية شقاتي = وللا بخت مايل علي ابشناته
وين الخطا مدري أدور بذاتي ؟!0 = وآجر صوت اللي فقد له بناته
يا رب يا رحمان زود ثباتي = العمر ما عاده تسر ال حظاته
واغفر ذنوبي قبل موعد مماتي = واستر على عبد(ن) سمائك غطاته
ما سقت يم الناس يالله رجاتي = يا واحد(ن) نرجيه نطلب هباته
وانت الذي يالله وحدك نجاتي = عاف الأمل صدري وعاف امنياته
كم كان لي من حلم عيا لياتي = كم لي واقول ان باكر اجمع شتاته
والحب ما قصر معي يا غناتي = ما ذقت من نيله و لا من فراته
عامين لي والعين ترجي سباته = عامين والخافق يذوق احسراته
مليت يا ربي وزادت عناتي = هون على اللي ما يداني خطاته
يالله يا ربي تقبل صلاتي = واختم حياة اللي تنكد حياته
[/poem]
.
- وسلامتكم جميع ,, والعذر منكم على طول الغياب يا وجيه الخير ولكننا بالسنوات الأخيره بالجامعه والضغط واصلن حده ,, الشاعر حمزه الهاشمي,,
