~||{ اثـبــــــــــــــ،ــــآت أم ماذآ ؟؟ }||~

بسم الله الرحمن الرحيم

هاد اليوم يا جماعة ..
كنت من شهرين بلشــت اقتنع انو جيلنا مو فاشل
ولا جاهل ..
طبعا بلشت اقتنع هيك بعد ثورة الشباب التونسيين
وهلأ المصريـــين الله ينصرهم
بلشت احس انو جيلنا هو رح يرجع الكرامة ئلي ضيعناها بسكوتنا

بس للأســـــــف وبعد ما بلشت اتفائل بهالجيــل
بلشت اتناقــش مع واحد من اللي كان دايما موجود بالنقاشات
عن ( الحب , رياضة , التكنولوجيا , الدراسة )
قلت اكيد رح يكون بيعرف باللي عم بيصير هلأ بالدنيا

بلشت احكي انو الله يرحم اللي ماتو بمظاهرات مصــر وانو الوضــع خطير
نط بيحكيلك

" هاد كلو هبـــل بهبل "
خــف ايماني فكرت بيحكي عن حسني مبارك اهبل لانو ما عم يطلع
بس فاجئني انو بيحكيلي :- " الشباب والمتظاهرين هبايل ..
وهاد كلو سخافة و عنجد انو تافهين وعم بيضيعو وقت وبيضيعو وبيسرئو شو هاد"

ولا لاقيت في بنات وشباب بأيدو باللي بيحكيه .. وعدت النقاش بأكتر من مكان قلت انو بكونو شلة اتجمعت على بعض .. بس لاقيت ردود مشابهة الا من قلة ..

وقتها اكتشفت انو عنجد في نسبة كبير من جيلنا فاشل واللي لا يفقهون شيئا
غير بالتفاهة ..


ما بعرف انتو شو رأيكم ؟

بما انو رأيي تكوّن وخلص