مشغولون................ بلا شغل

شكرا عالموضوع وكلامك فعلا مزبوط
بس بتلاقي الواحد لو بده ينام بيعتبر حاله انشغل وماحد لازم يلهيه لانه عنده شغل وهو النوم
ولو بده يتهرب من شي بيقول مشغول ...
شكرا الك ياالقناص ...

امممممممم

حلوالطرح ...

بصراحة اغلب الناس هالايام هيك..
يعني بتلاقيالواحد بده يعمل شغلة بسيطة وبيحكيلك مشغول لانه فعلا بيكون حس حاله عمل شغلة بسيطة بس انجز شي كتير هاد بالنسبةلإله لانه الكسل بيكون طغى عليه و هادالكسل اللي خلاه يحسانه مشغول او انه عمل بسيط انهكه ...

و بكل بساطة احنا ما منقدر نقارن ايامنا بأيام الرسول ..لانه بيكفي انه الرسول كان عايش فيها ..

و كان عند الصحابة دفعات وروح معنوية عالية ..اما بأيامنا ما في شي يدفع الواحد انه يعمل و ازا سمع لبرنامج ديني بحكيلك هدول بيتفلسفو ..الخ

يعني باختصاراحنا مو قادرين نشتغل عحالنا و بيصفي اي عمل منعمله او بدنا نعمله شاغلنا عن كل شي ..

اناا مشغوله برجع برد:nosweat:

اندااري:nosweat:

بجوز تعودناا على الكسل وصرناا نشوف انو الاشيااء اللي بنعملها داايما كثيره علينا وما عنا طااقه تتحمل اكثر من هيك..

وبعدين فعلا ما بنقدر نقارن ايامناا بايام الرسول..

شكرا على الموضوع:30:

مشكورة يا دعاء على ردك

بس فعلا يعني هلا انا قاعد على النت بكون متلا بحمل وبشارك في اكتر من شغلة بدخل المنتدى ومتل هليك
بس لما فعلا نفكر اخر النهار شو انا اشتغلت شو عملت انا فعلا كنت مشغول بس ش عملت شو فادني هاد العمل شو الانتاج الي انا انتجتو منلاقي اخر شي انو فعلا انا ما انتجت شي ولا عملت اي شي
هاد هو الواقع انو احنا فعلا بنفكر حالنا مشغولين ولكن احنا الاساس شغلنا ما افادنا بشي نهائا احنا انتجنا على مستوى النت وتسلينا وعملنا شي تميزنا بشي ولكن هاد الشي افادنا بشي عاد علينا باي منفعة شي طول نهائنا مشغولين مشغولين بشو مشغولين قاعدين بنعمل توقيع والا شو طيب الواحد ممككن انو يستفيد في النت انو يقرا يبحث عن شغلة يستفيد بشغلة ولكن كل نص دقيقة مشغولين ولا بنفضى نهائيا اي رئيس الوزرا ما بينشغل متلنا ههههههههههه

هو عن جد الواحد فاضي مليان يعني لما اكون ادرس بكون اتمنى ان متى رح اخلص امتحانات ولما اكمل بلاقي ان ياريت الامتحانات ترجع لان ما في شي مفيد نسويه بس بنفس الوقت بنكون مشغولين

اي رئيس الوزرا ما بينشغل متلنا

اااااااااااااااااااااااااه والله صاااااااااااااااااااااااااااااااااادقين

نحنا الايام هاي زي مابيحكوا(بنتشركل بحالنا)اتفه شغلة بتضيع يومنا كله مع انه بامكاني اعمل اشياء كتير وتكون منظمة وكاملة
بدي احكي عن تجربتي الشخصية :
انا كنت ما اعرف ادرس ابدا كانت الساعة تصير 1 بعد منتصف الليل وانا من العصر ماسكه الكتاب نفسه
ومو فاهمه منه شي ، وعرفت بعد عناء طويل انه اللي بيبعد عن صلاته وعن قراءة القران بحياته ما حينجز شي وتعودت بعدها اصلي كل الصلوات اول ما ياذن وقبل الدراسة اقرا ولو صفحة من القران
وبالنهاية انحلت مشكلتي ولحقت حالي قبل ما اضيع وصدقوني ما في شي بنظملك وقتك وبريح نفسيتك وضميرك زي القرب من الله تعالى وخدوها نصيحة مني واللي ما بصدق يجرب ويحكيلي شو بصير معه
الشماغ الاحمر 1