هذي قصيدة بلسان بنت حبت شخص ونكر حبها نكر عشرتها وعشق بالهوى غيرها كثير
نساها هجرها ورجع يسال عنها رجع بعد ما ماتت من الغياب بعد ما ذبلت كل ورودها
توك تجي تسأل توك
تذكرني بالله ليه تسال
بالله تذكرني انا ما قلتلك ابعد
واتركني ما قلتلك ارحل
ارجاك لا ترجع ارجاك لا تسال
انا هذا مطلوبي وابيك بس ترحل
لا ما ابي اعذارك
ولا تقول لي اسف
وش هي كلمة اسف
وانت بالهوى زايف
يا صاحبي معذور
وعلى جيتك مشكور
خذ جرحك وعذرك
خذ حلم منك خايف
توك تجي تسال
وينك يوم اني اناديك
وينك وانا محتاجة لك
وينك وانا ابكيك
ناديتك يا صاحبي
طلبتك لا تخليني
وصدى صوتي
بالعبرات يخفيني
يختنق بي صمتي
والبوح عيا يطيع
انتهى عمري بين ايديك
ضاع عمري يا الوضيع
توك تجي لا يا حبيبي تاخرت حيل
لا ترتجي حب من فعولك غدا قتيل
تدري انك تاخرت وموعدك ما وصلته
تاخرت كثير لان قلبي ذبحته
تاخرت حيل لان كل دمعي ذرفته
تاخرت حيل لان الحب كل الحب نهرته
تاخرت في كل شي تاخرت
الا قلبي ما تباطيت يوم انك طعنته
تذكر يوم اني انادي لك حبيبي
اجرح خفوقي دام انك طبيبي
رضيت بكل جروحك يا صحيبي
وضاعت تضحياتي معك وطيبي
ما قلتك خلك معي ناديتك اسمعني
اقفيت وهل دمعي اه ليه تطعني
تدري اني تمنيتك اه ليتني ما تمنيتك
ليتني ما لميتك ليتني بالهم خليتك
جيتني مجروح وانا المجروح داويتك
عطيتك كل شي عطيتك حبي ولا خذيتك
تدري اني لا من ذكرتك
يشهق بي الريق
تدري ان ذكرك
يجرح خافقي تجريح
والله لو دربك فرح
اسلك بالحزن اعظم طريق
ما عاد ابيك روح خلني
اتعذب وخلك مريح
اليوم لاجل انساك
غيرت كل ارقامي
غيرتها مثل ما غيرت
اقداري واحلامي
حسافه فيك حبي
حسافه سميتك غرامي
ضاع معك تقديري
وضاعت ايامي
وش تبي الحين
جاي وش لك معاي
جابك لي الحنين
جاي تبغى رضاي
اه يا القاسي اه يا القاسي
عديتك من اهلي وناسي
حطيتك في عيوني
حطيتك على راسي
قتلتني قتلت فيني
الحب واحساسي
اهـ ليته قبل ما قلت احبك
احترقت انفاسي
اه يا ليلـ العنى ليت ما لي قلب
ليتني يا ليل ما عرفته
ليتني ما ارتكبت هالذنب
وليتني يا ليل ما عشقته
سموح يا صاحبي على كل الجروح
مسموح ترا ما عاد بقى للحب روح
لا عاد تعاني لا تتعب جريحك مات
توفي ومكتوب بقبره بقايا جروح
ما بقى فيني شيئا يستاهل التجريح
طلبتك كف امانه ابيك تستريح
روح لغيري دامه ضاع معك خيري
روح دامك غيرت مصيرك عن مصيري
انساني ولا تفكر تنشد عن احوالي
اعتبرني توفيت والموت فالي
وان نشدني احد عنك بقول غالي
غالي ارخص حلو الليالي
فمان الله فمان حبك الضايع
امنتك الله يا خلي البايع
اوادعك واحفظ هالودايع
جرح واهـ وحلم مات جايع
(تمنى من كل شخص لقى له حبيبة تحبه هالكثر ما يفرط فيها ولا يذبحها بالغياب)
