مواجهه هادفة بين الشباب والبنات............. | الصفحة 9

دعاء يعني انا مش معبي عينك:haa:
منا رديت:ob:

وصل المدمر

وصل المحطم

وصل الساحق

وصل عصوم :7zol:


بما اني ما بحب البنات في سؤال بيخليني اكرههم اكتر

انشالله اجابتكم بتخليني احبكم شوي :7noon:

هلا ليش البنت لما تكون ماشية لحالها بتكون بقمة الادب ةالاخلاق وعيونها بالارض

بس لما تكون مع الكورس تاعها ما بتخلي صوتها بيكون معبي الحارة وبتسكتش وبتصير تطلع هون وهون

وسؤال ثاني

هلأ مدام البنت بتحكي انها واثقه من حالها

ونادرا ما تلاقي بنت ما بتحكي عن حالها انها واثقه من حالها

طيب انتي يا بنت اللي واثقه من حالك

دامك واثقه من حالك ليش بتستخدمي ادوات تجميل ؟؟

ولا يعني واثقه بالادوات اللي بتحليكي

اخير ولا اخرا

كل البنات متل بعض

يعني العاطفه اللي بتستخدموها هي هي ما بتختلف

الغباء عنكم سواء

الذكاء عنكم حالفين ما تستخدموه

العقل ربي رح يرجع كما خلقته

شعار البنت ... اسعي للشب لكي يسعى اليكي

تحية للبنى الكوشية ..... البنت الوحيده اللي بحترمها

السبب : تخلت عن شرف كونها بنت


بي اس : ما تحاولو تيجو بالشباب :ang:

خخخخخخخخخ...

طيب لحن اول شي شغلة الادب والاخلاق هاي حسب البنت ..في كتير بنات بيعملو حالهم قمة فيالادب وبتكون الوحدة الله اعلم بأخلاقها ..

و على شغلة التجميل يعني كل بنت بتحب تحط عحالها صبغات ..انا شخصيا بحط بس مش كل البنات هدفها انها تحلي حالها ..و تلفت انتباه
بس يعني متل ما حكينا هاي غريزة انه البنت بتحب تجرب شغلات البنات ..يعني يمكن بتحط مرة ومرتين بس بالأخير بتزهق و في بنات يكونو مش واثقات من حالهم وبدهم يصيرو حلوين حد مانعم ..

و على شغلة الذكاء والغباء مع انك هزأتنا فيها بس كمان هاي بتختلف يعني كيف البنت تسعى ورا الشب البنت الي عندها اخلاق ما بتعمل هيك ..
الا ازا شافت انه هادالشب مناسب لإلها ساعتها بتصير بدها تزبطه بس مش عشان بدها تصاحبه وتتركه يعني هاد بالنسبة لإلي انا ما بعرف البنات التانيات شو رأيهم :hat:

طيب جوابك حلو

وجوابك تفوق على سؤالي ما بنكر

بس سؤال تاني


ليش البنت دايما بتضل تحكي انه ما في علاقة حب ناجحة

وبتضل تحكي انه الشب هو اللي بيبدا الخيانة

طيب مدام عارفه هالشي

ليش بتحب تورط حالها بعلاقات مع الشباب

؟؟

ازا ما فهمتوني

السؤال بصيغه اخرى

ليش البنت بتعمل علاقات مع الشباب مع انه عارفه انه النهاية خيانة ؟؟؟؟

امممممممممم

شوف انا ماحكيت انه ما في علاقة حب ناجحة...

بالعكس بس نجاح الحب بيعتمد على الطرفين وحسب النوايا طبعا ...

يعني البنت اللي مقتنعة انه ما في علاقة ناجحة و بتورط حالها بتكون هي بدها هيكيعني بدها تكون هاملة وصايعة ضايعة هاي بكل بساطة ..

اما لو كان في مجال انه تكون العلاقة ناجحة وكانت نية الشب صافية ونية البنت كمان صافية ما في غلط ..

وطبعا البنت لما بتورط حالها بعلاقة مع الشب اخرتها تندم..

وبكل بساطة لازم البنت لماتحكي مع الشب وتحبه تقيس ابعاد الموضوع كتير منيح وعلى الحالتين رحح يطلع معها انها رح تخسر حتى لو كانت نيته صافية وا صار نصيب بينهم هي انحسبت عليها انها حكت مع شب ..
ولو كانت واثقة من حالها ومن اخلاقها وواثقة منه..بس كلام الناس ما بيرحم..

كلامك صح يادودو ، يعطيك العافية انا مارح اردعلى كلامك لانك جاوبتي على السؤال.......
دورنا بالسؤال : انتا بتحب البنت الفايعه ولا البنت العاديه؟؟؟؟؟
بدنا تفاعل ياجماعة..................

والله يا عاشقة انا ازا فكرت احب بنت

ما رح اختارها ولا فايعه ولا عاديه

رح اختارها في قمة الاحترام والادب

وانا مو مفكر بالحب

لانه انا مفكر اتجوز على الطريقه التقليديه


يعني بدون حب :hat:

والله يالحن الحب اذا بدك تتجوز وحدة عالطريقة التقليدية انت حر بس بدي اذكرك واقلك تتجوز وحدة بتعرف شو عملت (حكت معك بس) اهون ماتروح تخطب وحدة عالطريقة التقليدية وتقلك انت الشب الوحيد اللي قعدت معه وحكيت معه ومابتلاقي بنت بهالادب والخجل وبتقول انا حظي من السما اني لقيت بنت هيك ... بس يا مسكين بتكون هالبنت حكت مع كل شباب الجيران والشباب اللي بالجامعة والشباب ... الخ ...
حظك حلو اه :ddd:
وانا بنت وبعرف البنات مافي بنت في الاردن كله ماحكت مع شب ... ولا تقلي اهلها محترمين لانه مافي حد بغلط قدام اهله .:056:

وشكرا عالموضوع الحلو ...

والله يا اخت اموون

عدم المواخذه في تعليقك

بس الواحد لما يجي يخطب

هدا اسمو مصير وعمرو

والواحد لازم يسأل

يعني بالله لو بدي اتجوز على الطريقه التقليديه يعني البنت هي ما حتكون محترمه

وبعدين انا لما اخطب بنت

ما الي شو عملت قبل ما اخطبها

لانه ما كان الي سلطه عليها

وبعدين يا امون

بتوقع ابوكي وامك تجوزو على الطريقه التقليديه

وازا في وحده من خواتك متجوزه

انا بخط احتمال 80% انه تزوجت على الطريقه التقليديه فيكي تحكي شي هلأ بيخص اختك ؟؟

او اخوكي مثلا

انا ما بقصد بكلامي شي محدد

بس بوضحلك الفكره


وبعدين هلأ لو تجوزت وحده عن حب هون البنت صارت شريفه

طيب مهي حتكون حابه 5 من قبلي

يعني ما فرقت شي

بس في عنا احنا عادات وتقاليد

الواحد بيسأل قبل لا يرتبط رسمي

وفي فترة خطووبه بقدر اكتشف البنت في هالفتره

متل ما هي رح تكتشفني



هلأ سؤالي لامووون


هلأ يا امووون لما حكيتي انه ما في بنت في الاردن الا ما حكت مع شب

وحكيتي انه ما في اهل محترمين لانه ما حد بيغلط قدام اهله ....

سؤالي

انتي شملتي حالك بالكلام اللي حكيتيه باللون الاحمر


بس انا كمان الحمدلله عندي خوات والله ستر عليهم واتجوزو وعندهم ولاد

وكل اهل بتعرف شو بتربي يا اخت امون


تحياتي وتقديري لالك :hat:

بسم الله الرحمن الرحيم

يعني كل واحد لازم يحكي الي الو والي عليه

لما اي شخص منا يقرا الردود بيلاقي انو كلا الطرفين على حق

يعني متلا كلام لحون صحيح وبرضو كلام دودو صحيح

بهاي الحالة بنوصل الى خلاصة الى اننا في مجتمع منحل

نعم نحن في مجتمع منحل

البنت او الشب كلاهما سواء ونادر ان تجد البنت المستقيمة او الملتزمة بالتعاليم والتشاريع الاسلامية

بكل حذافيرها

فالشب مثلا همه في الحياه تلفون لابس جميل خمس دنانير في جيبتو وبنت ودينار رصيد امنية

بس اكتر من هيك ما بيطمح وهاي الاغلبية من الشباب والجزء التاني بنضيف على الخاصية

انو في عندو شوية طموح بالاضافية لحذيك الخاصيات الا هو انو يتخرج من الجامعه بس مش اكتر

اما البنت

همها في الحياه

شنطة في ايدها عبارة عن فترينا متنقلة يوجد فيها ما لا يقل عن 75 نوع من مستحضرات التجميل

بالاضافة الى الموبايل بداخلو 25 قرش رصيد بالاضافة الى فار احلامها وهو الشب الحرك الي بيلفت الاضواء على حركاتو وعضلاتو ولبسو وموبالو وطريقة كلامو وهذا الشب مثلما قلنا بانه من الصفات السابقة منتوف من الداخل ابن رجل اعمال من الخارج
ولكن هذا هو طلب النت انها تحب بل تعشق ان يعيشها الشب باحلامه الوردية المشتركة معها
وتبقى طول اليل في غرفة النوم الى ساعه متاخرة تسمع بشريط مصطفى كامل ازيك حبيبي ودقت الساعات وايام وبعض الاغاني المحدده التي تنتقيها فاغنية كذابة لمصطفى كامل تعتبر للشب وعلى هذا الاساس يتم انتقاء الاغنية وما الى ذالك من الاغاني الي بطلت اسمعها زمان المهم انها بتطلع
على الجامعه معمي قمارها ومش شايفه الضو مستعجلة بدها تلحق تشوف فتى احلامها قبل المحاضرة
بربع ساعه
وفي هذه اللحضة يكون الشب في حمامات الجامعه يزبط بالشعرات ويحاول ان يخفي الفانيلا الداخلية
لان لونها اصفر ولكن لونها الاساي الابيض ويحاول ان يغسل تحت اباطو بمساعدة رفيق دربو لانو صارلو اسبوع مش متحممم ويحمم نفسة بعلبة عطر ام الدينار اشتراها وهو جاي على الجامعه من بسطة العرقيات

اما الفتاة
طول الطريق تزبط بالاشار وتحرص على ظهور خصلة من شعرها او تلبس الاشار على الطريقة الخليجية
فهي قمة في الروعه وغرية للشب على ان يحبها ويتمسك بها وتحاول تنضيف شوزها ببنطلونها والشب في المقابل قاعد بيشيل بالتراب الي تحت اضافرو او داير يدور على قصاصة اضافر
وفي حالة اخرى من الشباب يكون ينضر الى الساعه كل دقيقة لكي يصرف المحبوبة الاولى من عنده للقاء الثانية
يتم التلاقي اول خمس دقايق وين كانك غايبة عني صارلك ميت سنة والله شتتقتلك ومبار ما مت وان اسمع لمصطفى كال واتذكرك
والبنت وانا متلك كمان لما تبعد عني بحس شي ناقصني بعد هيك ببلش الشب يعرط من جهه والبنت تعرط من التانية


وبينتهي المشوار عرط بعرط

هاي قصة الشباب والصبايا








القنــــــــــــــ ملكاوي ــــــــــــاص