من يعلم الغيب ؟؟

.


. . .

.

https://www.youtube.com/watch?v=-GbA3kLsxlY&feature=channel

.

[poem=font="Arial,6,,normal,normal" bkcolor="transparent" bkimage="" border="double,4,darkred" type=2 line=1 align=center use=ex num="1,orangered"]
يا صاحبي ما بين عوج المحاديب = الصبر حاير بين ذيك الحنايا
محتار ما يلقى بصدري عذاريب = وشلون صابر ؟! و الحبايب جفايا
يا صبر مالك و الجروح المعاطيب = هاذي سنه و الجرح غارق في دمايا
صابر و ساكت وان هجرت الاصاحيب = يكفي من الدنيا : وصاله سلايا
لي صاحبن في سيرته حاش ما عيب = ما ساقته رجله دروب الخطايا
يسقي حروفه للعروق المجاديب = تمطر سما جوده قلوب البرايا
أبطيت أطلب غيثها و المشاريب = من غيرها يا ناس يروي ظمايا ؟؟
أقنب قنيب الذيب فوق المراقيب = ظميان وصله : ليت يسمع ندايا
طافت سنه من جور بعده و تعذيب = و القلب راضي جورها من ورايا
يا زين وينك ؟ وين عنك المكاتيب ؟! = مل الورق حبري و جزل العطايا
قلت الغلا بالقلب !! وآقول ذا ريـــب = تطلـب رفـيـقــن عالمن بالخفايـــا
بوح الغلا واقرب و تبشر بتقريب = جيتك و لو دونك سهوم المنايا
شاعرك في وسط الذيابه غدا ذيب = عن حاجته عدا جميع البرايا
شاعرك ما ذله كثير التصاويب = ايموت واقف ما علته البلايا
شاعرك يفلانه رفيق المصاعيب = ياخذ من اطعونه لعزه مطايا
شاعرك يفلانه علا باسمه الطيب = شاعرك يفلانه ( دريم ) الولايا
لو كنت شاري ! ما نبيع الاصاحيب = وان كنت بايع ! ما تبعت القفايا
لو زدت تشريقك أبازيد تغريـب = قد قالها ( فهد المساعد ) كفايا :
( طرد المقفي مثل طرد العذاريب ) = ما عاد تفرق يا رفيقي معايا
فرقاك مر يا سيد كل الرعابيب = لاكن مر العز دون اللـقايا
يحرم عليا دونكم لين ما شيب = من دون ( بس ) يفرض عليا وفايا
وان جيت راجع شفت بالوجه ترحيب = صدر الشمالي بالوساعه مزايا
عز الله ان قربك علاج التكاريب = عز الله انك دون غيرك سلايا
[/poem]

.

...
.
- وسلامتكم ,,

بقلم الشاعر : حمزة الهاشمي >>> حرر : الأربعاء : 1 - 9 - 1431 هـ ...

.