الحضريه والبدوي ..

المشاركة الأصلية كتبت بواسطة: يوسف الوحيدي *;1135800 سلمت يمناك

لبيت تخفق الارياح فيه * احب الي من قصر منيف

ولبس عباءة وتقر عيني * احب الي من لبس الشفوف

شايف البادية اخي كيف خلت ميسون الكلبية تبدع بالوصف

تحياتي لك واحترامي

المشاركة الأصلية كتبت بواسطة: angel eyes;1135999 حين اشوف عيون الاصيل..اشوف كل الخلايق بعيونه..
لمحة من هدبها هالعيون ...ترد روح المسموم..
تحمل بجوفها. الف معنى مو سهل تفسيرها..
روح تحمل اصالة البداوة وهي ندية..
مالوم من جهل معانيها اسمى من اي عقل غرقان بالحاضرة الزايفة الزايلة..

المشاركة الأصلية كتبت بواسطة: الهدى;1136844 كل الشكر لك احمد ع الكلمات الرائعة .....اللي بتدل ع ذوقك الراقي .
احترامي وتقديري لك:
تقبل مني مقتطفات من قصيدة قالت بدوللشاعر طلال السعيد...
قالت بدو...
وصدت وقالتها بقرف ..بنت الأكابر والترف
متكبره .. متعاليه ..يعني بدوي يقعد طرف
قالت بدو ..والمعنى دون المستوى
ماحنا وياها سوى ..احنّا بنظرها من نكون ؟
ريشة يطيرها الهوى ..مفهومها حنّا عدد
رقم ولا أكثر بعد ..يعني مجرد تكملة
والا فهي أصل البلد ..قالت بدو والا فهي أصل البلد ..قالت بدو
تعني صفر على الشمال ..هذا على أحسن احتمال
تصدر حكم ، ما تلتفت ..تحكم ولا تترك مجال
قالت بدو ..متصورتني باستحي
وأترك مكاني وانتحي ..وتفاجئت .. تغيرت .. تلعثمت
ما تدري أني بافتخر .. ولي الفخر !!

حنّا بدو ..حنّا عمى عين العدو
حنّا البداوة وضعنا ..وأهل الوفا هم ربعنا
حنّا نتفاخر بأصلنا ..يا بنت هذا طبعنا
حنّا بدو ..حنّا بداوتنا شيم
دين وقيّم ..معنى كبير
ما أظن مثلك يعرفه ..لو تدعين المعرفه
شي عسير ..ما أظن مثلك ياصله
صعبه ولاهي حاصله ..كلمة بدو !!
تعني التمسك بالجذور ..ماهو التخلف والجهل
ولا بعد حب الظهور ..كلمة بدو
تعني الشمم ..فعل وكرم
مبدأ حضارات الأمم ..حنّا القمم


حنّا بدو ..ياللي تقولين ابدوي
أنا ابدوي ..ولي الفخر أني ابدوي
عزمي قوي ...ماأخون ..ما أبوق الخوي
يبدأ نهاري بالصلاة ..وأصارع أمواج الحياة
ما ضاقت الدنيا أبد ..ولاني من أصحاب الحسد
أرفع ايديني للسما ..وأطلب من الله واستخير
ما اقول يمكن ربما ..ولا يصير .. أو ما يصير
محافظ على الخمس الفروض ..واضح ولا أحب الغموض
ولا أتلون والتوي..لاني ابدوي
متمسك بأصالتي..ولا أغير لهجتي
أنا ابدوي ..في فزعتي
وفي قومتي ..وبقعدتي ..وفي مشيتي
وفجلستي ..وفي كلمتي ..وبنخوتي

وحتى عقالي ولبستي ..ولو قلتي عني فوضوي
ما ضرني ..بالحيل يا بنت ابدوي

ويسرني أعرف .. من أنتي ؟ ..ومن أنا ؟

والفرق واضح بيننا ..تدرين وأدري من أكون ؟

ويكفينا نعرف بعضنا ..أنتي مثل عمر الزهور

مالك عمر ..مالك سنين ..شهرين ويجيك الجفاف
وتذبلين ..وتصبح ألوانك باهتة ..وأنا جذوري ثابته
ماخذ من الصحرا الهدو ..وإن كان هذا يسعدك
حطي على راسك يدك ..هالمرة لا قلتي بدو
يا تارسه وجهك صبغ ..يا آنسة ..يا عانسة
يا ضايعة ومستانسة ..يا تارسة وجهك صبغ
يا تارسة عينك شدو ..حنّا البدو
ولو كان قلتيها بقرف ..لنا الشرف
أنّا بدوي..

المشاركة الأصلية كتبت بواسطة: القطارنه;1137046 قالت ترى منت بحلو قلت رجـال ,,,,,,,,,,,,, والزين ماهو من شروط الرجولـه
الزين يلقـى عنـد لباسـة الشال ,,,,,,,,,,,,, والرجل زين ان كان زانت فعولـه
قالت علامك تلبس شماغ وعقال ,,,,,,,,,,,,,, انت بدوي؟قلت بدوي ومن حموله
ما ألبس بناطيل لها الوان واشكال ,,,,,,,,,,,,,, وامتر الشارع بعرضـه وطولـه
قالت اجل راعـي معاميـل ودلال ,,,,,,,,,,,,,, شرب القهاوي تحسبونـه بطوله
كيفي يابنت الحضر دلـه وفنجـال,,,,,,,,,,,,,, وحليب خلفـه بالمـراح معقولـه
وحب الكرم والجود وعلوم الابطال ,,,,,,,,,,,,,, مغروس فينا من زمـان الطفولـه
قالت ترى بنت البدو حظهـا مـال ,,,,,,,,,,,,,, قلت احذري حذرا تكوني جهولــه
بنت البدو يابنت مضرب للامثـال ,,,,,,,,,,,,,, فوق الجمال وطاعـة الله خجولـه
ماحطت اصباغ ولا حطت ظــلال ,,,,,,,,,,,,,, ولا سيرت بالسوق سيـر مهبولـه
هي مهرةٍ تصعب على كل خيـال ,,,,,,,,,,,,,, وانتي ومثلك عسفهـن بالسهولـه
قالت تغزل بي وشف حبة الخـال ,,,,,,,,,,,,,, ناظر عيوني والرموش الكسولـه
قلت العفو مايجتمع حـب وهبـال ,,,,,,,,,,,,,, ولكـل ذوق فالمزاييـن جـولـه
قلتي وقلت وكلمة الصـدق تنقـال ,,,,,,,,,,,,,, الزين ماهو من شروط الرجولـه


تقبل تواجدي في صفحتك وقصيدتك جميله
ودي واحترامي:hi::hi: