بسم الله الرحمن الرحيم
هذا انا اشكي العنا ما نته لنا عمرك ســـراب
طول الشهر اقضي سهر حتى الدهر نومه غريب
اهلا هلا مات الغــــلا مني فلا تلقــــى جواب
واخبر هلي مما يلي دمي غلي وسهمي يصيب
وش لو بقى هذا الشقا غدرك سقى جرح مطاب
بعض الوفا غدر وجفا نور انطفى شمسٍ تغيب
حب انهدم قلب انصـــدم تحت القدم منفـــذ وباب
انسى الهوى ما حن سوى كلب وعوى مني قريب
جاني عرض حب انقرض سوى مرض بين الاهداب
مات الفرح شوق ومرح قلب انجرح ماله طبيب
جرحٍ ندى موج وهدى قلبي فدى بعض الاصحاب
منهو سلك دربك هلك غيرك ملك قلبـــي الحبيب
كل الاسى ما ينتســــى يالله عسى دعوة تـــجاب
ياهل ترى عمره قرى جرح انبــــرى وده يطيب
مني وعد لانسى العــــهد وارحل بعد دون اسباب
اسعى سعي والله معي واقري النعي مالك نصيب
كان الصبر مثل القبر لامشي عبر متن السحاب
كلي عزم ما انهزم رفع وجزم عندي غريب
عزفتها ونزفتها
