ذبـــــلة خــــطوبة
ما بين ابيات المحبة والخطا والتوبة
وما بين همسك يالمشاعر بيننا يا حية
يابلغ قصيدة سقتها وان جبتها مغصوبة
وكل القصايد يا نمي مامورة ومنهية
شاعر وقسمه التسويق خالي من عيوبه
انا خير من مثلك يالعلوم الادارية
واكره غروري مثل شايب يكره ذنوبه
على صغر سني لعبي بالابيات فنية
على ذكر الفراق اللي مضى باخر دروبه
ابحكي قصةٍ واذكر رؤؤس اقلام مطلية
كتبتها بذكرى قديمة وانتهت لحظة غروبه
والعذر يالجمع الغفير لو كانت مع بنية
واعذروا شاعرٍ لا باح في سرٍ من قلوبه
اهلاً وسهلاً بكم في احداثٍ عاطفية
ايا سلطان الهوى اخبرهم بالذي نلهوبه
اخبرهم بقصة قلبينٍ في شوارع لندنية
قد مات قلباً واخرٌ قد عاش في غيبوبة
وانا ساوفيكم بالتفاصيل في لهجةٍ شعبية
كان يا مكانٍ في زمانٍ عندلي محبوبة
هويتها اربع شهور وفوقهن عام هجرية
طيبة حنونة لكن والله اني شفت اعجوبة
حلاها تقول انه ملاك وعقلها عقل جنية
واحترت بين التناقض والمشاعر شبه مقلوبة
وفي حالتي هذي اطاوع قلبي دون عقلية
وقلبي نطق حكمة كل ممنوعة ترى مرغوبة
وانا وش اسوي دام المحبة فقلبي الهية
المهم اني بنيت المحبة لها طوبة طوبة
ردت علي وقالت حبيبي كذا مية فالمية
وقلت اكمل نص ديني ولا ارتكب اية عقوبة
وسقت اقدامي على بيتها والنية النية
جيت ابوها باختصار وكلمتينٍ في عذوبة
تراني طالب بنتك على شرع الله وسنة نبية
قال ابشر بعزك لكن بنتنا شبه مخطوبة
قلت وشلون مخطوبة وروحها يا عم مبلية
قاللي هذا نصيب وهذي اقدار مكتوبة
هزيت راسي ومدري بعدها وش صار فية
فوق الضيق الضيقة جتني امها الدبدوبة
تقول افهم فاتحتها من قبل كم شهر مقرية
ووالله ما تطلع من عندنا زعلان بالنوبة
اش رايك تاخذ اختها الاكبر منها بشوية
عمرها قبل الثلاثين واوعدك ما تلقى صعوبة
جمال ودلال وجسم وكسم وفوقهن حنية
يا خالة حظي واعرفه للاسف بانت عيوبه
وانت يا ابوها عسى نلتقي فالجنة سوية
واقهوتك قلت تسلم قهوتك يا عم مشروبة
فمان الله بستاذنكم قالوا تشرفنا بهالجية
رحلت وتارك في مكاني لها ذبلة خطوبة
ورحلت وما عاد اميز بين الحر والفية
مسكت جوالي وانا نفسي حيل مغلوبة
الو هلا حبيبي اقول اسمعي يا بنية
ترى اللي صار بصدق هاليوم اعجوبة
حلوفك على جنب واعذارك ما تمشي عليه
باختصرها معك دام الامور اصبحت ملعوبة
مالي ومال الهوى كفى مال الهوى فيه
قولي ودك شي؟ مطاليبك ترى مطلوبة
لا تجيني مكانك وانا اجيلك برجلية
الا يا خاينة ماهي مذلة كيف وانتي كذوبة
طغيتي على كذبة ابريل لو كانت خرافية
الا يا خاينة لعنبو حبٍ لا ماتت قلوبه
لعنبو اربع شهور وفوقهن عام هجرية
شجاع أي والله اني ما عرفت الذل ودروبه
طبعي عزيز النفس وكرامتي يا بنت فطرية
واخذت انا لي مثل والناس قبلي حكوبه
ما يغلط الشاعر غير بغلطة اوزانه وقافية
والا يا غلطة العاشق وانتي غلطة مكتوبة
حبيبتي كنتي قصيدة وصرتي اليوم مرثية
كنتي مالكة قلبي وانا لك وطن بشعوبه
امورك غدت منهية واموري غدت منهية
كنتي غلطة مسحوبة وصرتي غلطة محسوبة
قمت اغنيلك على الروحة واغنيلك على الجية
توبة ان كنت احبك ثاني توبة توبة
وداعية يا اخر ليلة تجمعنا وداعية
بقلمـــــــي
وسلامتكم
[B][/B]
[B][/B]
