ســـراب | الصفحة 83

القصيده :أهل الجنوب



وعيني اللي كل ما ذعذع من الغرب هبوب


ويا ويل حالي كل ما يحلالها لون الغروب


وعز الله اني كل ما تطري لي الريم اللعوب


من سافرت ريم الفلا صديت عن كل الدروب


من فارقتني ما خطف قلبي من الحور محبوب


لأن القلوب ان ما وفت لأحبابها ما هي قلوب


إما الوفى اللي يستر الرجّال من كل العيوب


ما اقسى من فراق الجنوب الا فراق اهل الجنوب


اللي مذيره العتب لا شبت بصدري شبوب


كانت معي مثل النصيب يحدني من كل صوب


كانت هروبي لا شعرت اني بحاجه للهروب


ليه اتحداني وانا في كل الاحوال مغلوب


ليه اتجاهلني وانا لاني جبان ولا كذوب


ما ترحم اللي له سنه كأنه على النار محطوب


ما خافت تهدم السنين اللي بنتنا طوب..طوب


قولوا لها لو ما تذوب انا بخليها تذوب


إليا ادمحت لي هالخطا بدمح لها كل الذنوب


أفرش لها صدري وطن وأجمع لها ضلوعي شعوب


إن كاني مخطي فأنا ماني خليّ من العيوب


البعد قاسي والفراق يضيق الصدر الرحوب


قولولها ترجع ترا ماني على الحزن مغصوب


إما تجنب هالهبال وتترك البعد وتتوب


كافي زعل ترا الظروف مقفله من كل صوب


يكفيني اني كل ما هبت على صدري هبوب


والمشكلة اني كل ما حنت عيوني للجنوب


وعز الله اني كل ما تطري لي الريم اللعوب

والله وصرتي تستهينين فيني


تدرين وش كنتي قبل تعرفيني ؟


انا الذي فرشت لك رمش عيني


جيت اعشقك ما جيتك لك تحقريني


لا صرت عامل لك قدر قدريني


ما دام ما جيتي غلا لا تجيني


والله لاهجرك قبل لا تهجريني


يا تتركين الكبر يا تتركيني


إن كانت الدعوة غلاي وحنيني


لكن حكاية ينحني لك جبيني

منك العذر وعلي المعذره


كل ذنب بتذنبه بستغفره


دور بصدري وطن واستعمره


عيش فيني وادمر اللي تدمره


لا تبشرني بجرح وتذخره


ولا تنومني بليل وتسهره


خلني مثل النجوم مبعثره


لا تقول العفو عند المقدره


المسامح والزعل للمبزره


ودي ادري ليه للحزن ثمره


ودي اجفل من فراقك واحذره


لو تقدر خاطري صدق اكسره


ازرع بقلبي سبب يستنفره


شاعرك ما كل بنت تجرجره


النسا ما حركوا فيه شعره


لو سكت شفت الوقار بمنبره


ما يحضر إلا القلوب مجمهره


إن هجرته تستقر بمحجره


إعشقه لكن بعد ما تقهره


حن لكن حن لا جبت خبره


لو عطيته وجهك أعطاك ظهره


لا تحاول تكسبه ما تخسره


ما تميل الا الغصون المثمره


من قبل ما تنقهر منه اقهره


اسكنه حرك جموده بعثره


انثره لملمه.. لملمه انثره


من متى وانا اتحرى لي مره


ابك انا مقطوع من غصن شجره


بدوي(ن) شيب الصبر شعره


إن غفا كأن السحاب يدثره


ماخذ(ن) من قسوة البيد أكثره


جنته صحراه والشوك زهره


إن فزع يا مشجعه يا مظفره


كان ما تقدره قل ما تقدره


الغلا اللي ما تزعزعه اهجره


شوف لك رجل(ن) بليد استحقره


بس انا لو جبت لي مية مره