بيوم من زات الأيام الصيفية البايخة طبعا أنا
والسستر الاردنية كنا آعدين بالغرفة لا شغلة ولا عملة
الاردنية كانت آعدة هديانه وبدها تنام إمت مسكت
السشوار وفتحتو عالهوا البارد ووجهتو على وجهها وهون بلشت حرب المخدات
المهم ولحنا عم نلعب خطرتلي فكرة حكيتلها هل تفكري
فيما أفكر فيه يا الاردنية 1 آلتلي نعم أفكر فيما تفكرين فيه يا طبوشة 1
(حان وقت البوظة)
واتصلنا بالشلة واتفئنا نلتقي بعد نص ساعة وبعدين
تزكرنا إنو لازم ناخد رأي الوالد المحترم
وفعلا رحنا حكينا للبابا إنا
بدنا نطلع ناكل بوظة ونطش شوي طبعا مين كان البابا؟التميمي (طبعا لإنو أكبر
واحد بالمنتدى ) ونيالنا على هالبابا
حكالنا اوكي مافي
مشكلة بس لا تتأخرو وخلي الشوفير يوصلكن
طبعا لحنا طرنا من الفرح
الاردنية تزحلئت على الدرابزين فكرها توصل أبلي
ما بتعرف إني نزلت من شباك غرفتي بالحبلة لتحت دغري ههههههه
المهم ما إلكن بالطويل خدو الئصير
صرنا ندور عالشوفير يلي ما بينفع شوفير وصرنا إنادي
بوووووووووووووووووووووس عمو بسبس
إجانا وهو مأطوع نفسو
من الركض وطبعا إتزورناا لنشف دمو لإنو المفروض يكون مزروع جوا السيارة دايما...
حكينالو بيئيلك أبو اسير الغرام (أي التميمي ) وصلنا على دوار عبدون
وفعلا اركبنا بالسيارة وطبعا عمو ثرثر مو مصلي
عالنبي وأرّفها للاردنية بنظراتو لإلها عالمراية آخر شي الاردنية طفح معها الكيل وأخدت
شنتاية إيدي وبلشت تضربو على راسو وهي عم تصرّخ في طبعا أنا كنت أكلانه هم شنتايتي
والهم الأكبر خايفة يصير فينا حادث وفجأة وهي عم تضربو نزل الشماغ من على راسو ويا
لهول ما رأينا
شفنا إشي عم يلمع ويبرء يا حزركن شو شفنا؟
شفنا صلعة بوس المسكين شكلو من كتر ما جننا أنا
والاردنية كان ينتف شعراتو منا هههههههههههه
طبعا لحنا التنتين ئلبنا على ضهرنا من الضحك ، شكلو
اليوم ملمعها بملمع الزجاج
المهم وأخيرا وصلنا لعند بوظة جرارد يلي بمووووووت
فيها (هاي دعاية يا جماعة) المهم والتئينا بشلتنا الحبيبة طبعا شلتنا المؤلفة من
كيلاني وهيرو وجست بوي وبدر والبائي
طبعا بوس كان عايف حالو فطلب إزن يروح عالتشي تشي
ويأرجل هونيك مشان يحاول ينسى الموقف يلي صار معو وطبعا لإنو لحنا عنا ديمقراطيه
سمحنالو وأخدنا مفتاح السيارة منو وبعد ما خلصنا أكل بوظة قررنا نرجع عالبيت بلا طش
بلا هم واستنينا عمو بوس وما كان يجي ورنينا عليه على موبايلو لئينا خارج التغطية،
أبصر وين كان غاطس ههههههههه
فقررنا نسوء السيارة لحنا وعزمنا الصبايا على
الطلعة وفعلا الجماعة كانو معنا عالموت وئبلو يخاطرو
وبما إني أكبر من الاردنية قررت أنا يلي سوء فيهن
وطبعا أعدت ورا الستيرنج وضغطت على دعسة البنزين وطرنا بالسيارة وطبعا الاردنية وأنا
عم سوء ئعدة تلعب بالجير يمين شمال مفكرتها ايد بليستيشن هههههههههههههههه
وفجأة شفت واحد نط بخلئتي دعست بريك والحمدالله ما
حصل أضرار بالسيارة وإذ لئينا بوس ما ناقشنا حكينالو إطلع عالسيارة وطبعا مافي
وسع يركب آم المسكين طلع على سقف السيارة مغلوب على أمرو ورجعنا طرنا بالسيارة
وطبعا يا حرام بوس كان طول الوئت عم يتشاهد على روحو
بدلنا أنا والاردنية الأماكن وهون بوس صفرن وأغمى
عليه إمنا حنينا عليه بعد ما وصلنا الصبايا وحطينا بالسيارة ورجعنا عالبيت
ونمنا........
وباقي القصة رح كملها بعدين
لاني نعست
.gif)
