بداية أبدأ بالسلام ...
أخي الكريم قرأت موضوعك وليس لي التتواجد الكبير هنا ولكن أعلم ما يدور هنا كون دخولي كزائر أكثر منه كعضو ...
وأريد أن أعقب قليلا من بعد إذنك طبعا ...
في بداية موضوعك بدأت بعماد ، انا لا أعرف عماد ولا عماد يعرف من أنا ، ولكن عماد هنا آدمن ، بوجهة نظري ليس بالأمر المهم جدا أن ترى الآدمن في زقاق كل موضوع يرد على هذا ويرد على هذا ولو كان الأمر كذلك لن ترى أي تطور للمنتدى ، الآدمن كعمل أساسي له هو أن يطور المنتدى وأن ينظمه وأن يحاول جاهدا أن يجعله في قمة المنتديات ولو كان الأمر كذلك فما فائدة المشرفين حينها !!!!!!! وليس أيضا بالضرورة أن يكون دائما متواجد اون لاين ، بدي احكي عامية شوي الادمن الأحسن بنظري انه يكون متخفي لأنه في كتير ناس ذات نفسيات مريضة بتحاول تدخل تعمل مضووع كله مسبات او بحاولوا يخربوا المنتدى مستغلين عدم وجود أي ادمن وفي نفسيات زي هيك وشفت منها كتير ، هسة لو عماد بده يرد على كل موضوع وقتيها ما رح يقدر يلحق ويله اللوحة وويله تغيير اسماء وويله يجيب ناس عالمنتدى وويله الاعلانات بلا بلا بلا ... فبنظري انه كم عضو يردوا بكفوا عن عماد لأنه كلنا لازم نقدر وضع بعض ونعرف مسؤوليات فلان وفلان وما نعتب على حد ...
وبالنسبة لأيمن ، أيمن يا صديقي معرفتي فيه من زمان ، ودايما انسان حقاني ما بحياته ظلم حد أو انه بحب يفرد عضلات انه هو ادمن وبقدر يعمل وبقدر يسوي اتأكد واوثق ثقة كاملة اذا سكر موضوع انه كان فيه صاير اشي فيه ومش ضروري انه يخلي المشاركات الي بسببها الموضوع تسكر ، يعني فيه بنات هون واتخيل انه الك أحد أقربائك وسامحني على كلامي وكان فيه موضوع كله تخزيق والله بعلم قديش انه سيء وكان الادمن شايفه وعارف فيه وخلاه متل ما هو وما سكره أو حذفه وقتها شو رح تكون ردة فعلك !!!!!!
وبالنسبة للمشرفين حكيتها مش شرط السن الأهم قبل اي شيء انه يكون العدل موجود ويكون النشاط بكل قسم موجود وانه كل مشرف يحاول جاهد انه يخلي قسمه مضرب مثل من قبل الجميع حتى لو كان عمره سنة وطبعا ما تنسى انه قصة هاد صاحبي وهاد ابن عمي وهاد جاري تكون منسية تماما ويكون الكل سواسية ، ان تمت هاي الأمور وقتها لا سن بفرق ولا اشي بفرق ، وطبعا مش أي شخص بنعطى هيك مسؤولية الا من بعد ما تكون الادارة واثقة انه أهل للثقة هاي ، لأنه في كتير كانوا كبار بس للأسف ما حد احترم ثقة الادارة فيه واستغل الاشراف لمصالح شخصية ما في داعي نتطرق الها ، هسة انت بتقدر اذا فتت قسم وشفت فيه عيبة دامك كبير ما شاء الله ، انك توجه المشرف وتنصحه ، لأنه حتى لو عضو بس بتوقع على عاتقه مسؤوليات متل المشرف ومتل السوبر وحتى الادمن ،،،
فيا صديقي نقاطك عالعين والراس بس والله لازم نتساعد مع بعض ونرقي المنتدى ونكون واعيين شو الي بصير حولنا قبل ما نوجه أي انتقاد ...
وأرجو أنك تتقبل رأيي بصدر رحب ، وتذكر
" الاختلاف بالرأي لا يفسد للود قضية "
والسلام ختـــام ...
الادمن ؟ وجه نظر ( مهم جدا )
.gif)
.gif)
[/face] 
.gif)
.gif)