وش تسوي لو عشقت انسان ماهو مـن نصيبـك
وش تسوي لو عشقت انسان ماهو مـن نصيبـك
لا لك بهالوضع يد .. و لا له بهالوضع سبـه !!
وشهو ذنبك لو غـدى مـن بيـن خلـق الله حبيبـك
تعرف إن قربه محال .. و قلبك مصمم يحبه !
و انتـه متأكـد و عـارف بييجـي يـوم و يسيـبـك
يعني متوقع بـأي لحظـه يغيـب و تغتـرب بـه!!
كل دربٍ يرحل بطيفـه .. علـى وجهـك يجيبـك
كل حرفٍ يُكتب لغيـره .. تحسـه منكتـب بـه !!
كـن كـل عـيـون خـلـق الله عـيـون ٍ لــه تذيـبـك
تنثر احساسك جمر ملح وْعلـى جرحـك تصبـه
و اللي كاسر ظهر قلبك و بشقـا الدنيـا مصيبـك
عـارفٍ بانّـك تحـب .. و مـا يعَـرْف انّـك تحبـه
ساكـن ٍ بأصغـر تفاصيلـك و قلبـه مـا دري بـك
ماكـن ٍ بأقصـى معاليـق الكيـان اللـي لعـب بــه
وش تسوي لو مرضت بعشق من وصله طبيبك
و انتْ عارف لو ذبحك العشـق مـا داواك طبـه
