صدق انه في غيابك... ما نسيتك لو ثواني
ولو نسيتك ربع لحظه.... صدق انسى واتذكر
كيف انسى من غرامه .... ساكن باقصى كياني
والكيان اللي سكنته .......من أساليبك تأثر
يا شبيه البدر حسن......ويا قمر سبع وثماني
من يشوفك ما يعوفك.... في وصوفك هو تحير
شمس تشرق فالصباح ....أو زهور الأقحواني
أوبساتين تنامت ..... من أزاهيره تخير
الثنايا حب لولو.....يوم عضن عاللساني
والشفايا جمر حارق....والعيون الله وأكبر
والخصر يا عود مبري ...قاسي ولو لياني
والظفاير فوق متنه .....صف واحد ما تنثر
يدها مجداف عمري ...حركت مركب زماني
والأنامل الله الله .....لو لمس يا رب تستر
والهدب لامن تحرك....يغمر الدنيا حناني
والرمش يا جنح ليل... نظرته تحته تستر
والادب منها تأدب.... وانخلق منها الرزاني
والوفا منها تعلم ....كيف يصبر ويتصبر
الخجل يا زينة الله....علمتهن به معاني
من كثر ماهي خجوله ...حتى بالمشيه تعثر
والاصل مربى دلال....وبيت راسخ بالمباني
من أصيل العرب تنهل....نسلها منهم تحدر
واسمها من رسمها .....تعرفه ولا ثواني
لانها فعلا(أميره)...صوره لو ما تصور
كل وصف بالعروسه.....قال ناصر القحطاني
في ملامحها تجسد ...لا بعد زود واكثر
ما وصفها شعر الاخطل ...أو مقامة همذاني
اوتواصيف الفرزدق.....ولا تعابير لعنتر
سيدة كل العذارى .....واحده من غير ثاني
