اليوم جايبتلكم نكت سورية بتجننن ...بس ان شاء الله تفهمو على لهجتنا ...
ملاحظة :حمصي او
حماصنة يعني متل الطفايلة عندكم بالأردن
**وحدة اتصلت على حبيبها، قالتله: اهلي مسافرين و انا لحالي بالبيت، قال لها طيب حبيبتي اقرأي
قرآن و ماتخافي
**محششين بدهم يفجروا مبنى، حطوا القنبلة اول طابق و طلعوا تخبوا عالسطوح!!!
**ميكانيكي اشترى سرير - نام تحته!!!
**كان في تنين بالسيارة فقال الاول :انا بردان من الشباك فأجاب الثاني:وانا محمود من القاهره!!!
**قال في مرة واحد عم يحشش قام وقع من الطابق العاشر قام هو و واقع صار يقول يا رب آخر
مرة، يا رب رح أصلي يا رب رح أصوم..... قام وقع على عربة قش لما وقف قال يا زلمة وقت يكون
الواحد دايخ شو بيخطر بباله شغلات
**مرة محشش راح يخطب بنت قالولوا اهلها : الشقة عليك قال : اوكي ، بس البنات والبيرة عليكم !!!
**محشش عم يصلي جنب واحد افريقي، قال الامام استووا، رد المحشش، استوينا بس اللي جنبي صار فحم!!!
**وحده طبخت لجوزها ملوخيه ثاني يوم خبيزه ثالث يوم سبانخ رابع يوم قالتله ايش اطبخلك حبيبي قال لها اليوم برعى لحالي !!!
**ندل بيرجم ابليس في الحج و هو ملتم سالوه ليش ؟ قالهم : يمكن احتاجو!!!!
**فيه واحد حامل كيس سمك، لاقى واحد مصطول قاله : اذا بتحزر شو في بالكيس بعطيك منه سمكة...قاله : بحر !!
**واحد قتل حماته، الظابط بيسأله اسمك ايه؟ قاله :اكتب فاعل خير!!!
**خروف سأل خروف : مرق عيدين وما دبحوك، ليش؟ رد عليه : لأني مسجل بشهادة الميلاد حمار .!!!
**واحد ندل اوى فتح مصنع بيبسى كتب على كل زجاجة
ترج جيدا قبل الفتح!!!
**واحدة بتحكي لزوجها : ليش ما بتعمل متل جارنا كل ما يطلع من البيت ببوس مرته ؟قال لها :
فكرك بتوافق؟؟!!
زاوية الحماصنة .....
**حمصي تاجر مخدرات... نزل اعلان بالجريده: عنا طحين من اللي بالي بالك!!!
**دخل حرامي على بنك وقال ..الكل منبطحاً، فكلهم رفعوا إيدهم إلا واحد قاعد عم يضحك فقال
الحرامي يخرب بيتك ليش عم تضحك ..قال انت أصلك حمصي ...صح؟ قال الحرامي: آه كيف
عرفت؟؟..قال لأنه هذا بنك دم!!!!
**ليش الحمصي الصغير أذكى من الحمصي الكبير؟؟؟؟؟؟ لأنه ماصرلووو زمان حمصي!!!
**في حمصي سمع انه 100 واحد ماتو بالحج قال يارب يكونوا يهود !!!
** مره حمصي حكموا عليه بالإعدام شنقا وهم بشنقوه أشرلهم بأ يدو... بعد ما نزلوه قلهم: والله
كنت رح أموت!!!
**حمصي ماشي مع صاحبته شافت ابوها قالها قولي له اني اخوكي!!!!
** حمصي اهدته صاحبته ببغاء... واتصلت تسأله: ايش رأيك بالهديه ؟؟ قال عادي متل طعم الجاج!!!
**في واحد حمصي رجع على البيت مبسوط وفرحان على الاخر ،استغربت مرته الوضع وقالتله
خير مبسوط على غير عادتك شو صار بالدنيا؟؟؟،قالها اسكتي :مو الناس بطلت تحكي علينا
نكت. قالتله :الحمدلله دق على الخشب احسن ما تحسد حالك. راح دق على الخشب ،مرته
قالت: مين؟ قالها: خليكي قاعده انا بقوم بفتح!!!
**قطيع ذئاب هاربين من حماصنة، سألو حمار: ليش هارب معنا؟؟؟ قال : شو بده يقنع الحماصنة اني حمار؟؟!!
**مرة سبعة حماصنة سموا حالهم الفرسان الثلاثة!!!
**ليش الحماصنة لما بحكوا تليفون بلبسوا جزمة؟؟ مشان ما يخِبصوا بالحكي !!
**حمصي حيران وبيسأل امه: ماما ماما بس يكبروا اصحابى مع مين بدى ألعب؟؟!!
**مرة واحد حمصي دخل المسجد سأل الشيخ لمين المسجد؟؟، الشيخ: لنا جميعا، الحمصي: أنا بدي بيع حصتي!!
**ليش السمسم غالي في حمص......مشان بيلموه من البرازق !!!!!!!!!
وفي الختام السلااااااااااااااااااااام ...بس ان شاء الله كون قدرت ارسم البسمة على وجوهكم يا غاليين
أخــــــــــــــــــــ سامي ــــــــــــــــــــــــوكم بالله أحلى صباب وشبايا الأردن
عفوا أحلى شباب وصبايا الأردن
