اول شي اهلا وسهلا بكل حدا دخل عالموضوع لانو حابين تطلعو على My Page
المهم رح احكيلكم شوية بيانات عني
اللقب : Red Rose
العمر : 17 سنة
مكان السكن : عمان - الاردن
الصف : اول ثانوي علمي ( السنة الجاي توجيهي ان شاء الله ادعووولي )
الاكلة المفضلة : الدوالي والكبة >>> شو المناسبة
طموحي بهالدنيا اني اجيب معدل منيح عالتوجيهي ان شاء الله وادخل هندسة طبية او وراثية
اما طموحي حاليا انو هالشهرين الضايلين بالمدرسة يمرقو على خير احسن ما ارتكب اكمن جريمة ببعض هالعالم
هلأ رح اقوللكم كيف تعرفت على المنتدى وسجلت فيه
هاد قبل سنة وخمس اشهر كنت عم بدور على اغنية اجنبية
واني الاقيها بهالمنتديات ابداااااا
وانا ادور شفت موضوع لطلبات الاغاني الاجنبية بهاد المنتدى وكان مدير الموقع ( عماد ) حاطه
وكان يومها حاطط بصورته الرمزية صورة شب امور كتير
المهم سجلت وحطيت طلبي
بس ما نفذولي اياه :nosweat:
وبعدها ما دخلت عالمنتدى لاني كنت مسجلة مصلحة بس
وبعد فترة اخوي سجل بالمنتدى وصار يشارك
فقمت تزكرت اني مسجلة فيه وصرت اشارك انا وياه
وتعرفنا على الاعضاء الحلوين
كنت بالاول احط مواضيع مفيدة زي الشاطرين
اما هلأ نشاطي بتركز بقسم كافيه الصبايا وهلا عمي
ويا مية اهلا وسهلا فيكم ازا بتزكر كمان شغلة اكيد بحطها ان شاء الله :hi:
