مرة ولد ما عنده ولا ريال راح لأبوه وقاله : عطني 15ريال,, ودي اشتري كوره
الأب : أقول إنقلع عني تراها واصله معي
الولد : تكفا يبه ,,بس 15 ريال ولا أقول لك خلها عشرة ريال
الأب : ما عندي فلوس ... إذا تبي فلوس رح بيع الديك حقك المريض اللي بالحوش ..
الولد : بس هذا مريض وما أحد بيشريه
الأب : ما علي منك...دبر نفسك
والله الولد استسلم للأمر الواقع واخذ الديك وأول واحد قابله في
وجهه أكيد أبوه.... قاله الولد : تشتري الديك؟
الأب :أقول بتنقلع عني ولا أقوم اتوطا في بطنك؟
الولد : خلاص ،،خلاص لا تنفخ
طلع الولد من البيت ومعه الديك وفي محاولة يائسة إن الديك ينباع عرض الديك على أهل الحارةكلهم ولا واحد فيهم قبل إنه يشتري الديك
قال الولد : ممممممممم, والله مالي إلا فلانة,,عقلها خفيف وأكيد بقدر ألعب عليها بسهوله
فلانة هذي كانت وحدة متزوجة بس للأسف كانت رايحة فيها وتلعب بذيلها من ورى زوجها راح لها الولد عشان يبيع عليها الديك
الولد :تشترين الديك تكفين؟
الحرمة : هلا والله بحبيبي .. تعال قرب مني عشان أبوسكبوسه خفيفة
الولد :أقول ما ني فاضي لك.. ذي مني الديك وخليني أروح
الحرمة : تروح وين يا عمري!! أنا ما صدقت إني شفت رجال عندي في البيت ...
الولد : ومنهو اللي قال لك إن أنا رجال؟ خذي مني الديك وخليني أنقلع
شوي إلا الباب يدق خافت الحرمة وقالت للولد : تعال إنثبر هنافي الدولاب لا يطلع زوجي ثم نروح فيها. حطت الولد في الدولاب وراحت فتحت الباب إلا وطلع لها صديقها اللي تخون زوجها معه ..
الحرمة :هلا والله بعمري وحياتي
الرجال : يا هلا فيكي عمري...ما أمدا الرجال يكمل كلمته إلا والباب يطق
الحرمة :يا ويلي ويلاه....هذا شكله زوجي......تعال وادخل في الدولابدخل خوينا في الدولاب
وفجأة.....في عز الظلام سمع صوت يكلمه داخل الدولاب
ويقوله :تشتري الديك؟
الرجال : اصصصصصصصص....... رخ صوتك الله يرحم والديك لا تفضحنا
الولد :أقول تشتري الديك؟
الرجال : يا خوي خلاص باشتري الديك بس قصر على حسك تكفا...
الولد : طيب
الرجال : بس بكم تبيعه؟
الولد : بــ 100 ريال
الرجال :اييش!!!!!!!!!!!! هالديك المنتوف المريض بــ 100ريال
الولد : وش دراك أنه منتف و مريض ؟
المهم تبي تشتري ولا ارفع صوتي؟
الرجال : لا لا خلاص.....اباشتري وأمري لله
جلسوا 5 دقائق
الولد :تبيع الديك؟
الرجال :توك بايعه علي يا بن الحلال!!
الولد :تبيعه علي ولا ارفع صوتي؟
الرجال : لا لا خلاص....ببيعه وأمري لله....بكم تشتريه؟
الولد :بريال
الرجال :أيش!! بريال!!!! أنا مشتريه منك بـــ 100 ريال وأنت تشتريه مني بريال!!!!!
الولد :تبيعه علي ولا ارفع صوتي؟
الرجال : لا لا خلاص....ببيعه وأمري لله
جلسوا 5دقائق
الولد : تشتري الديك؟
الرجال :ياخوي توني مشتريه منك!
الولد :تبي تشتري ولا ارفع صوتي؟
الرجال :لا لا خلاص....أباشتري وأمري لله.....بكم تبيعه؟
الولد :بــ200 ريال
الرجال : الله يمحط بك إنشاء لله......توني مشتريه منك بــ 100 ريال!
الولد : تبي تشتري ولا ارفع صوتي؟
الرجال:لا لا خلاص....أباشتري وأمري لله
جلسوا 5 دقائق
الولد :تبيع الديك؟
الرجال : إنَّا لله وإنا إليه راجعون.....بكم تبي تشتريه؟
الولد : بريال
الرجال :وش تبيني أقول!! تبيني أبكي ولا أشقق هدومي....يالله خذ الديك وببلاش
بعد أن اخذ الولد الديك
شوي إلا الحرمة فاتحة عليهم الدولاب
وقالت لهم :يالله بسرعه إنحاشو دام إن زوجي في الحمام..بس واحد ورى الثاني وبشويش عشان لا يحس فيكم زوجي
طلع الرجال وانحاش ولحقه الولد بعده ب5دقائق
المهم...قام الولد يتمشى في الشارع وهو مستأنس إن صار معه فلوس ..
بعدين راح للبيت يوم دخل البيت شاف أبوه قدامه ..راح قال لأبوه:تشتري الديك؟
الأب >ناظر فيه والشرار طالع منعيونه
وقاله:ما يكفيك يا بن (.؟.؟.) الــ 300ريال
************************************************** ****************************
في قسم العناية المركزة بمستشفى تورينتو بكندا... حدثت ظاهرة غريبة وهي الوفاة
المفاجئة للمرضى بغض النظر عن حالاتهم المرضية... الأدهى والأمر أنهم يموتون
بنفس الساعة (11 صباحاً) من كل أحد... وما كان عند أطباء المستشفى أي تفسير لهذه
الظاهرة... واستعانوا بفريق من الخبراء لدراسة الوضع ومعرفة أسباب الموت
المفاجئ... وبعد فشل الفريق في فك رموز اللغز... قرروا الانتظار خارج قسم
العناية المركزة قبل الوقت المرتقب بخمس دقائق... وفعلا جلسوا ينتظرون على
أعصابهم... وعند الساعة 11 بالتمام شاهدوا عامل نظافة هندي ( مؤجر لعمل جزئي
يوم الأحد) يدخل المركز ويفصل جهاز الإمداد بالحياة.......... "لكي يثبت سلك
المكنسة الكهربائية
