مساء الورد
شباب انا حبيت اطرح موضوع يمكن يأثر ببعض ناس
هوا مو موضوع..... هوا حوار حول بعض كلمات بتنحكى كثير بين الناس وخصوصا بالاردن
التمييز والطبقات
والحدود المرسومه لبعض الاشخاص
يعني في ناس بتوقف عند كلمه قروي او مدني او فلاحي او بدوي
يعني هي كلمات بحكوها ناس كثير
وفي بعضهم بيتأثرو فيها
خصوصا الشباب
يعني الشب احيانا بيتعامل مع شخص جديد عليه ولما يعرف انو من القرى بيخلي حواجز بينو وبين الشخص الجديد
لمجرد انه من قريه
بيعتقد انو جاهل
او بينظر اله كأنه جاي من برا الاردن
وبهاد الوقت ابن القرى بشوف ابن المدن انو متكبر
او انو صعب يحكي معو
لانو من غير طبقه
وبعض الاهالي بيتئثرو بهي الكلمات
ما بيرضى يزوج بنته لواحد من القرى
لانو من طبقه ثانيه
بشوفو انسان غير
ما عندو تفكير ماعندو طموح
في ناس هيك بتفكر........!
يعني بمعنا اخر ابن المدن او المدني هوا الانسان الي محدا قدو بالاردن
ما بيحب يتعامل مع ناس من غير مجتمعه
وهي الاشياء او الكلمات بتنحكى كثير بالجامعات والمدارس والمؤسسات العامه والخاصه
ليش؟؟ انت بشو احسن منو
انت متعلم وهوا متعلم
انت دارس وهوا دارس
هوا من بيئه غير بيئتك؟؟
لا الاردن كلها نفس الشي
بس يمكن ابن القرى وضعو المادي احيانا اسوء من ابن المدن
لانو هي حياتو
هيك ربو كتبلو
انت خليك مكانو وشو رح تعمل
شو نظرتك الو
شو بيكون رده فعلك لو تقدم لأختك
وشو رده فعل اهلك لو انت حكيتلهم بدي اتزوج وحده
وانا بحبها
بكونو موافقينك بالرئي ومتحمسين
بس لما يفوتو بالتفاصيل
وتحكيلهم انته انها من القريه الفلانيه بيتنرفزو
وبكونو رافضين هي الفكره
ليش؟؟
هي مو بنت عالم وناس
مو انثى؟؟
انا ما تطرقت لكل النقاط
يا ريت الكل يشاركنا ويحكي رأيه
وانا طرحت هالموضوع
لانو سمعت ناس كثير يحكو فيه
بكل مكان
تحياتي لكم
