خل المدامع تسيـل وليـه ياعينـي
أقهر ادموعك بعد ماطـوّل اغيابـه
يمكن ادموعي بعد ماغاب تشفينـي
دمعة يتيمٍ تسيـل وتغـرق اثيابـه
يابوي بعدك طوتني حسرة اسنينـي
وادموع عيني على فرقـاك سكّابـه
يابـوي تكفـى تعـود ولا تخلينـي
بعدك حياتي ظلام وعالمـي غابـه
مافيـه شيـاً بهدنيـا بيرضيـنـي
والكون كله اذا انك غبت ما ارضابه
سود الليالي بعد مارحـت تطوينـي
وراحت حياتي مابين اهموم واكتابه
ماهو بحق ن ترا يابـوي ترمينـي
وحتى الخلايق غدت في عيني اذيابه
لك صورةٍ في خفوقي عايشه فينـي
من صغر سني اموت احيان واحيابه
اذكر اليامن طلبتـك شـي تعطينـي
واذكر حنانك علـيّ اللـي تغلابـه
وانا اترجاك يابـوي انـك اتجينـي
حتى اتداوي جروح القلب وصوابـه
</b>