أسأل وانا كلي من أجلك اجابات
كل الصعايب لجل عينك سهاله
تعال واسألني على كل ما فات
يا واحدن قلبي وعقلي حلالـــه
تعال واقراني حقايق وآهـــات
تعال واشربني الين الثمالــــــه
وان جيت تقراني قصايد وأبيات
في كل حرفٍ تشوف فيني جزاله
يضيق صدري لو أفارقك لحظات
واصير بَعدك بألف حاله وحاله
لو كنت غايب وابعدتك المسافات
لك صاحب ٍ ما غاب عنـّك خياله
تنتابني من صوتك العذب حالات
وفي صورتك سبحان رب الجلاله
خلاص ما أقدر أعيش بمتاهات
مليت من صبري وزود احتماله
بشير طيبك كل ما مرت أوقات
جاء يتباهى بكامل جمالـــــــــــه
خَلي جروحك بس هالجرح بالذات
اموت في ضيمه واموت في دلاله
لك في عيوني مــن الشوق نظرات
تنوب عن قلبي وتطرح لك سؤاله
إن جيت: تسبقني على البوح عبرات
واصير أبحث عن حديث ٍ بدالــه
ما أبتعــد من شي لكن لحاجات
لو تدرك البعض فالباقي سِجاله
