عسى ماازعلتك البارح وزود الجراح جراح
عسى مامرت الدمعه على اهدابك من اسبابي
جرحتك من كثر شوفي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله يهدابي
غيابك يشغل عيون الزوايه ويمتلي اشباح
وانا انثر صوتك بقلب المكان واشغل ابوابي
تلفت للامل دام الرجاء في عمري الملواح
اناديلك ولو شرهك وصولك تقطع اعصابي
ابيك الجاي من عمري انا مابيك شي وراح
مادامك اجمل واخر مادامك اول احبابي
ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي
احبك يابعد عمر الحزن والجرح والافراح
احبك كثر مانامت عيونك داخل اهدابي
